ބީއެމްއެލްގެ ސީއީއޯގެ އިތުރުން ސަހާ ވަހީދު ވަނީ އެ ބޭންކުގެ ޗީޕް އޮޕަރޭޝަން އޮފިސަރު (ސީއޯއޯ) ގެ މަގާމަށްވެސް އައްޔަންކޮށްފައެވެ.
ބޭންކިން ދާއިރާގައި 18 އަހަރަށްވުރެ ގިނަ ދުވަހުގެ މަސައްކަތް ކުރައްވާ ތަޖުރިބާ ހޯއްދަވާފައިވާ ސަހާ ވަހީދު ވަނީ ބޭންކުގައި މުހިންމު މަގާމުތަކެއް ފުރުއްވައިފައެވެ. އޭގެތެރޭގައި ހެޑް އޮފް ސްޓްރެޓެޖިކް ޕްލޭނިން އެންޑް ޗޭންޖް މެނޭޖްމަންޓްގެ އިތުރުން އެންމެ ފަހުން އަދާކުރެއްވި ޕީޕަލް އެންޑް ޗޭންޖް ޑިރެކްޓަރުގެ މަގާމު ހިމެނެއެވެ.
ސަހާ ވަހީދު ވަނީ ލަންޑަން ސްކޫލް އޮފް އިކޮނޮމިކްސް އެންޑް ޕޮލިޓިކަލް ސައިންސް އިން އިކޮނޮމިކްސް އެންޑް އިކޮނޮމިކް ހިސްޓްރީގެ ދާއިރާއިން ބެޗްލާ އޮފް ސައިންސް ޑިގްރީ ހާސިލު ކުރައްވައިފައެވެ. އަދި ކޮމާޝަލް ލޯގެ ދާއިރާއިން މާސްޓާ އޮފް ލޯސް (އެލްއެލްއެމް) ހާސިލްކުރައްވާފައިވެއެވެ. މީގެ އިތުރުން ސަހަރް ވަހީދު ވަނީ އޭޝިއަން އިންސްޓިޓިއުޓް އޮފް ޗާޓަޑް ބޭންކާސްއިން ޗާޓަޑް ބޭންކާ ޕްރޮފެޝަނަލް ކޮލިފިކޭޝަންވެސް ހާސިލު ކުރައްވައިފައެވެ.
ބޭންކް އޮފް މޯލްޑިވްސް (ބީއެމްއެލް)ގެ ޑެޕިއުޓީ ސީއީއޯ ކަމުގެ މަގާމުގައި ކުރިން ހުންނެވީ އައިޝަތު ނޫރައްދީން އެވެ. އޭނާ ވަަނީ އެމަގާމުން އިސްތިފާދެއްވުމަށްފަހު މިދިޔަ އޮކްޓުބަރު މަހުގެ 31 ވަނަ ދުވަހު ބޭންކުންވަނީ ވަކިވެޑައިގެންފައެވެ. އޭނާ ބޭންކުން ވަކިވެޑައިގަތީ 42 އަހަރަށް ފަހުއެވެ.
