Advertisement

މެޓްއިން ނެރުނު މޫސުމީ ރިޕޯޓުގައި ބުނެފައިވަނީ އުތުރާއި މެދުރާއްޖެތެރޭގެ އެކި ހިސާބުތަކަށް ވިއްސާރަވެ، ބައެއް ރަށްތަކަށް ބޯކޮށް ވާރޭވެހޭނެ ކަމަށެވެ. އަދި ދެކުނުގެ އެކި ހިސާބުތަކަށް ކެރީގެ އަސަރު ކުރާނެ ކަމަށާއި، އެ ސަރަހައްދުތަކުގައިވެސް ގުގުރާނެ ކަމަށް ލަފާކުރެވެއެވެ.

މޫސުން ގޯސްވުމާ ގުޅިގެން ވައިގެ ބާރުމިން ގަޑިއަކު 6 މޭލާއި 16 މޭލާ ދެމެދުގައި ހުންނާނެ ކަމަށް މެޓްއިން ބުނެފައިވެއެވެ. ނަމަވެސް ވިއްސާރައިގެ ވިލާގަނޑުގައި ވައިގެ ބާރުމިން ގަޑިއަކު 30 މޭލަށް އަރާފާނެ ކަމަށް އިންޒާރު ދީފައިވެއެވެ.

ކަނޑުމަތި ގަދަވެ، ރާޅުގެ އުސްމިން 3 ފޫޓާއި 5 ފޫޓާ ދެމެދުގައި ހުންނާނެ ކަމަށް ލަފާކުރެވޭ ކަމަށާއި، ދިޔަވަރު ބޮޑުވާ ގަޑިތަކުގައި އުތުރުގެ ބައެއް ރަށްތަކަށް އުދައެރުމުގެ ބިރު އޮތް ކަމަށްވެސް މެޓްއިން އަންގާފައިވެއެވެ.