ޗެމްޕިއަންސް ލީގުގެ އެންމެ ފަހުގެ ޗެމްޕިއަން، ރެއާލް، މި ފަހަރުގެ ޗެމްޕިއަންސް ލީގުގައި ކުޅުނު ފަސް މެޗުގެ ތެރެއިން ތިން މެޗުން ބަލިވިއިރު، ހަ ޕޮއިންޓާ އެކު އެ ޓީމު އޮތީ 36 ޓީމުގެ ލީގު ބުރުގެ 24 ވަނައިގަ އެވެ. ޓީމާ އަލަށް ގުޅުނު އެމްބާޕޭއަށް އެންމެ އެދެވޭ ކުޅުމެއް ނުކުޅެވޭއިރު، އެންމެ ފަހު މެޗުގައި ޕެނަލްޓީއެއްވެސްވަނީ މިސްވެފައެވެ.
އެމްބާޕޭއާ ގުޅޭ ގޮތުން އަންޗެލޮޓީ ބުނީ، މި ވަގުތު އޭނާއަށް ލޯތްބާއި ސަޕޯޓް ބޭނުންވާ ކަމަށެވެ. އަދި އެމްބާޕޭއަށް ދިމާވެފައިވާ މައްސަލައަކީ ރިއާލް މެޑްރިޑަށްވެސް ދިމާވެފައިވާ މައްސަލަ ކަމަށް ކޯޗު ބުންނެވެ.
ޕީއެސްޖީން ރިއާލްއަށް ބަދަލުވި އެމްބާޕޭގެ އެންމެ ބޮޑު އުއްމީދަކީވެސް ޗެމްޕިއަންސް ލީގު ކާމިޔާބު ކުރުމެވެ. އެކަމަކު ޗެމްޕިއަންސް ލީގުގެ އާ ފޯމެޓާއެކު މި ވަގުތު އަދި ރިއާލް އޮތީ ވަރަށް ފަހަތުގައެވެ.
އަންޗޮލެޓީ ބުނީ، މި ވަގުތު އުނދަގޫ ހާލަތުގައި އޮތް ނަމަވެސް އަދި ރިއާލް މެޑްރިޑު ރަނގަޅުވާނެ ކަމަށެވެ. އަދި އޭރުން އެމްބާޕޭގެ އެންމެ މޮޅު ކުޅުންވެސް ފެންނާނެ ކަމަށް އޭނާ ބުންޏެވެ.
ރިއާލުން ދެން ކުޅޭ މެޗު އޮންނާނީ އަންގާރަ ދުވަހުއެވެ. އަންގާރަ ދުވަހުގެ ރޭ ސްޕެނިޝް ލީގުގައި ރިއާލުން ނުކުންނާނީ ގެޓާފޭއާ ދެކޮޅަށެވެ.
