ވިނަރެސް ޓަވަރުތަކުން ކާރު ޕާކު ކުރާނެ ޖާގަ ވިއްކަން އެޗްޑީސީން ހުޅުވާލީ މިދިޔަ މަހުގެ 26 ވަނަދުވަހުއެވެ.
އެޗްޑީސީން ބުނީ ދޫކުރުމަށް ހަމަޖެހިފައިވާ 154 ޕާކިން ޖާގައިގެ ތެރެއިން 76 ޖާގަ ދޫކުރަނީ ވިނަރެސް އިމާރާތުގެ ތެރެއިންކަމަށެވެ. އެ 76 ޖާގަ ކާރު ރެޖިސްޓާ ކުރުމަށް ބޭނުންކުރެވޭނެކަމަށާއި އަދި ބާކީ 78 ޖާގަ ދޫކުރަނީ ހަމައެކަނި ޕާކުރުމަށްކަމަށް އެޗްޑީސީން ވަނީ ބުނެފައެވެ.
މި ނިންމުމާއި ގުޅިގެން އެ ނިންމުނ ބާތިލުކޮށްދިނުމަށް އެދި ވިނަރެސް ޓަވަރުތަކުަގއި އުޅޭ މީހުން ސޮއިކޮށް އެޗްޑީސީއަށް ވަނީ ޕެޓިޝަނެއް ހުށައަޅާފައެވެ. 400 މީހުން ސޮއިކޮށްފައިވާ ޕެޓިޝަންގައި ވިނަރެސް ޓަވަރުތަކުގެ ވޯކްވޭ އަދި ޑްރައިވްވޭ މިހާރު ވަކިކޮށްފައި ނުވުމުގެ ސަބަބުން ޑްރައިވްވޭ އަށް ވަންނަ ކާރުތަކާއި ޕާކުކުރުމަށް ވަންނަ ކާރުތަކުގެ ސަބަބުން ޑްރައިވްވޭގެ ރައްކާތެރިކަމާއި ގުޅޭގޮތުން ކަންބޮޑުވުން ވަނީ ފާޅުކޮށްްފައެވެ.
މީގެއިތުރުން ސްޕީޑް ލިމިޓް ބޯޑުތައް ނެތުމާއި އަދި ބަންޕަރު ނެތުމަކީ ހިނގާ މީހުންނަށް ނުރައްކާތެރި ކަމަކަށްވާނެތީ އެކަމުގެ ކަންބޮޑުވުންވެސް އެ ޕެޓިޝްގައި ވަނީ ފާޅުކޮށްފައެވެ. އެގޮތުން އިމާރާތުގެ ޓަވަރުތަކަށް ވަންނަ މީހުންނާއި ޑްރައިވްވޭ ވަކިކުރރާނެ ނިޒާމެއް ކަނަޑައަޅާދިނުމަށާއި ސްޕީޑް ލިމިޓް ބޯޑު ހަރުކޮށް ބަންޕަރު ބެހެއްޓުމަށްވެސް ވަނީ އެދިފައެވެ.
