މިއީ މީގެ ކުރީ އަހަރާ އަޅާ ބަލައިއިރު 98 މިލިއަން ރުފިޔާގެ އިތުރުވުމެކެވެ.
އެސްޓީއޯ އިން މިއަދު އާންމުކުރި ހިސާބުތަކުން އެނގޭ ގޮތުގައި އެއީ 2024 ގެ އާމްދަނީއާ އަޅާ ބަލާއިރު 98 މިލިއަން ރުފިޔާގެ އިތުރުވުމެކެވެ. އާމްދަނީ އިތުރުވުމާއެކު ކުންފުނީގެ ފައިދާ އިތުރުވެ ޓެކްސްއަށް ކެނޑުމުގެ ކުރިން މި މިދިޔަ އަހަރު ވަނީ 910 މިލިއަން ރުފިޔާ ލިބިފަ އެވެ.
ޓެކުހަށް ކެނޑުމަށްފަހު، މިދިޔަ އަހަރު ސާފު ފައިދާގެ ގޮތުގައި 762 މިލިއަން ރުފިޔާ ލިބުނުއިރު މިއީ އޭގެ ކުރީ އަހަރަށްވުރެ ތިން އިންސައްތައިގެ އިތުރުވުމެކެވެ.
އެސްޓީއޯއަށް މިދިޔަ އަހަރު ލިބުނު އާމްދަނީގެ ތެރެއިން 4.1 ބިލިއަން ރުފިޔާ ލިބުނީ އަހަރުގެ ހަތަރު ވަނަ ކުއާޓަރުގަ އެވެ.
ޖުމްލަ އާމްދަނީ އިތުރުވުމާ އެކު، ޖުމްލަ ފައިދާގެ ގޮތުގައި މިދިޔަ އަހަރުގެ ފަހު ކުއާޓަރުގައި 671 މިލިއަން ރުފިޔާ އެސްޓީއޯ އަށް ލިބުނެވެ. މިއީ މީގެ ކުރީ ކުއާޓަރާ އަޅާ ބަލައި އިރު 11 ޕަސެންޓުގެ އިތުރުވުމެކެވެ.
