އެންޑީއެމްއޭއިން ބުނީ ފާއިތުވި ނޮވެމްބަރު މަހުގެ ނިޔަލަށް ވިއްސާރާގައި ގެއްލުން ލިބިގެން ރިޕޯޓްކޮށްފައިވަނީ 10 ރަށަކުން ކަަމަށެވެ. އެގޮތުން 10 ރަށެއްގެ 110 ގެއަށް އެކިވަރުގެ ގެއްލުން ލިބިގެން ފޯމު ހުށަހަޅާފައިވާކަމަށް އެންޑީއެމްއޭއިން ބުނެއެވެ. އަދި އެންމެ ގިނަ ގޭގެއަށް ގެއްލުން ވެގެން ރިޕޯޓްކޮށްފައިވަނީ ޅ.ކުރެންދޫ އިން ކަަމަށްވާއިރު އެރަށުން ރިޕޯތްކުރެވުނު އަދަދު 90 މައްޗަށް އަރާކަަމަށް އެ އޮތޯރިޓީން މައުލޫމާތުދެއެވެ.
ގެއްލުން ލިބިގެން އެންޑީއެމްއޭ އަށް ރިޕޯޓްކޮށްފައިވާ ރަށްތަކާއި ގޭގޭ ގެ އަދަދު:
- ދ.ބަނޑިދޫ 2
- ދ.ހުޅުދެލި 1
- ގދ.މަޑަވެލި 3
- ހދ.ނެއްލައިދޫ 1
- ނ.މާފަރު 1
- ރ.ރަސްމާދޫ 1
- ސ.ފޭދޫ 2
- ޅ.ކުރެންދޫ 97
- ސ.ހުޅުދޫ 1
- ސ.މަރަދޫ ފޭދޫ 1
މިހާދިސާއާއި ގުޅިގެން ހިފާ ގެންގުޅޭ ތަކެއްޗަށާއި އިމާރާތައް ލިބުނު ގެއްލުމުގެ ޖުމްލަ އަގު 1.1 މިލިއަނަށްވުރެ އިތުރަށް އަރާ ކަން އެ އޮތޯރިޓީން މައުލޫމާތުދެއެވެ.
އޭގެއިތުރުން އެ ގެތަކަށް ލިބު ގެއްލުން ވަޒަން ކުރެވި ، ކާރިސާތަކުގައި އިންސާނީ އެހީތެރިކަން ފޯރުކޮށްދިނުމާއި ، ކާރިސާތަކުން ލިބޭ ގެއްލުންތަކަށް އެހީދިނުމާއި ބެހޭ ގަވައިދު ގެ ދަށުން އެހިތެރިކަން ފޮރުކޮށްދިނުމަށް މިހާރު ވަނީ ހުށަހެޅިފައިަކަމަށް އެންޑީއެމްއޭއިން ބުނެއެވެ.
