އެންސްޕާއިން ނެރުނު ނޫސް ބަޔާނެއްގައި ބުނީ، އެ އެޖެންސީ ހިންގަމުންދާ މޫކައި ސުއިޓްސް އިމާރާތް މަރާމާތު ކުރުމަށް ޓަކައި ހުސްކުރުމަށް އަންގައިފައިވާތީ، އެ އެންސްޕާ ހިންގާނެ ތަނަކާއި އަދި އެ ތަނުން ދެ ފްލޯ އެމްއެމް ޓީވީ އަށް ކުއްޔަށް ދިނީ ވެސް ފިނޭންސް މިނިސްޓްރީގެ ލަފާ އާ އެކު ކަމަށެވެ.
އަދި އެކަން ކުރީ އޯޕަން ޓެންޑާއިން ހުޅުވާލައިގެން ކަނޑައެޅިފައި އޮންނަ އުސޫލުތަކުގެ ތެރެއިން ކަމަށް އެންސްޕާގެ ނޫސް ބަޔާނުގައި ބުންޏެވެ.
އެހެން ނަމަވެސް, އެ މުއާމަލާތާ ގުޅިގެން އެމްއެޓީވީގެ އަގު ވައްޓާލައި، ބަދުނާމު ކުރުމަށް ހަގީގަތާ ޚިލާފު އެތައް ވާހަކަތަކެއް ދައްކައި މީޑިއާގެ އެކި ވަސީލަތްތައް ބޭނުންކޮށްގެން އެއްވެސް އަސްލެއް ނެތް ދޮގު ވާހަކަތައް ފަތުރަމުން ދިޔުމުގެ ސަބަބުން އެ ކުންފުންޏަށް މާއްދީ ގޮތުންނާއި މައުނަވީ ގޮތުން ފޫނުބެއްދޭ ވަރުގެ ބޮޑު ގެއްލުމާ ކުރިމަތިވެފައިވާ ކަމަށް އެ ބަޔާނުގައިވެ އެވެ.
އެހެންވެ، އެ އެއްބަސްވުން ބާތިލުކުުރުމަށް އެމްއެމްޓީވީން ހުށަހަޅައިފައިވާތީ، އެންސްޕާއިން ފިނޭންސް މިނިސްޓްރީ އާ މަޝްވަރާ ކުރުމަށް ފަހު އެއްބަސްވުން ބާތިލުކުރަން ނިންމައިފައިވާ ކަމަށް އެ އޭޖެންސީން ބުނެ އެވެ.
