ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީ ވިދާޅުވި ގޮތުގައި މި މަޝްރޫއަކީ ކުންފުނީގެ މުވައްޒަފުންގެ ހުނަރާއި ގާބިލުކަން ދައްކުވައިދޭ މިސާލެކެވެ. އަދި މި މަސައްކަތް ކުރު މުއްދަތެއްގައި ނިންމާލުމުގެ ސަބަބުން ކުންފުންޏަށް ބޮޑު މާލީ ސޭވިންގްސްއެއް ވެސް ވަނީ ލިބިފައެވެ.
މި މަޝްރޫއުގެ ސަބަބުން ސްޓެލްކޯގެ މުވައްޒަފުންގެ ހުނަރާއި ތަޖުރިބާ އަދި ވަޒީފާއަށް ކުރާ އިހުލާސްތެރި މަސައްކަތް ފެންނަން ހުރިކަމަށް ވެސް ވިދާޅުވިއެވެ.
ސްޓެލްކޯގެ މެނޭޖްމަންޓުން މި މަޝްރޫއުގެ މަސައްކަތްތައް ބަލައިގަނެ، އެކަން ފާހަގަކުރުމަށް ތައްޔާރުވަމުންދާ ކަމަށާއި އަދި މި ސެންޓަރުގެ ރަސްމީ ހުޅުވުން އަވަހަށް ބޭއްވުމަށް ރޭވިފައިވާ ކަމަށް ފަހުމީ ވިދާޅުވިއެވެ.
- މަސައްކަތް އަވަހަށް ނިންމާލުމުގެ ސަބަބުން ކުންފުންޏަށް މާލީ ސޭވިންގްސް ލިބިފައި
- މަޝްރޫއުގެ މަސައްކަތް ކޮށްފައިވަނީ ސްޓެލްކޯގެ މުވައްޒަފުން
- ސެންޓަރުގެ ރަސްމީ ހުޅުވުން އަވަހަށް ބޭއްވުމަށް ރޭވިފައި
- މަޝްރޫއަކީ އީޖާދީ ޑިޒައިނާއި ފަންނުވެރިކަން ދައްކުވައިދޭ މަސައްކަތެއް
