އެންސްޕާއިން ނެރުނު ނޫސް ބަޔާނެއްގައި ބުނީ އެ އެޖެންސީން ބަލި މީހަކަށް އެހީ ނުދިން ކަމަށް ބުނެ، ސޯޝަލް މީޑިއާގައި ދޮގު މައުލޫމާތު ފަތުރާ އެ އެޖެންސީ ބަދުނާމުވާ ގޮތަށް ފެތުރުނު ވާހަކަތަކާ ގުޅިގެން ނެރުނު ބަޔާނުގައި ބަލި މީހާއަށް ދީފައިވާ އެހީގެ މައުލޫމާތު ހިމެނިފައިވާތީ މައާފަށް އެދޭ ކަމަށެވެ.
ސޯޝަލް މީޑިއާ ޕޯސްޓާ ގުޅޭ ގޮތުން މީގެ ކުރިން އެންސްޕާއިން ބުނެފައި ވަނީ އެއީ ހަގީގަތަކާ ހިލާފު ވާހަކަތަކެއް ކަމަށާއި، އެ ޕޯސްޓާ ގުޅިގެން އެ އޭޖެންސީގެ މުވައްޒަފުން ބަދުނާމުވާ ގޮތަށް ވާހަކަ ދައްކަމުންދާ ކަމަށެވެ.
އެހެންކަމުން، އެ ޕޯސްޓު ކުރި މީހާއާ ބައްދަލުކޮށް ހަމަޖައްސައިދިން އެހީތައް އޭނާގެ ހާޒިރުގައި އެންސްޕާގެ ސިސްޓަމްތަކުން ބެލުމުން، އެ އެހީތައް އެކައުންޓަށް ޖަމާވެފައިވާކަމަށް އެ ފަރާތުން އެއްބަސްވި ކަމަށް އެ ބަޔާނުގައި ވެއެވެ. އަދި އެކްސްގައި ދައުރުކުރި މައުލޫމާތަކީ ސައްހަ މައުލޫމާތު ނޫން ކަމަށް އޭނާ އިއުތިރާފުވެފައި ވާކަމަށް ވެސް އެ ބަޔާނުގައި ވެއެވެ.
ކަން ހިނގައިދިޔަ ގޮތް ވަރަށް ތަފްސީލްކޮށް ލިޔެ، އެންސްޕާއިން ބަޔާނެއް ނެރުނީ ރޭގަ އެވެ. މިއަދު ސޯޝަލް މީޑިއާގައި އެ ކަމަށް ވަރަށް ބޮޑަށް ފާޑުކިޔާފައިވެ އެވެ
