މިނިސްޓަރު އާދަމް ޝަރީފް މިހެން ވިދާޅުވީ ހޯމަ ދުވަހު ހަވީރު މަތިވެރި ކައުންސިލުން ހިންގި މާލީ ބަޔާން ތައްޔާރުކުރާނެ ގޮތުގެ ތަމްރީނު ޕްރޮގްރާމް ނިންމުމުގެ ރަސްމިއްޔާތު ޝަރަފުވެރިކޮށްދެއްވާ ދެއްކެވި ވާހަކަފުޅުގައެވެ.
އެއީ މަތިވެރި ކައުންސިލާއި، އޮޑިޓާ ޖެނަރަލް އޮފީސް ގުޅިގެން ބޭއްވި ތަމްރީން ޕްރޮގްރާމެކެވެ.
މިނިސްޓަރު ވިދާޅުވީ ތަނެއް އޯޑިޓްކުރާ ވާހަކަ މީހަކު ބުނެފި ނަމަ އެ ތަނެއްގައި އުޅޭ ބަޔަކު މީގެ ކުރިން ބިރުގަންނަ ކަމަށާއި ނަަމވެސް އޯޑިޓްކުރުމަކީ ނުވަތަ އޯޑިޓް ރިޕޯޓެއް ނެރުމަކީ ތަނެއްގައި ގޯހުން ކަމެއް ދާނަމަ އެ ކަމެއް ރަނގަޅުކުރުމަށް އެހީތެރިވެދީ އެ ކަމެއް ރަނގަޅުކުރާނެ ގޮތް ބުނެދިނުން ކަމަށެވެ.
މި ރަސްމިއްޔާތުގައި އާދަމް ޝަރީފު ދެއްކެވި ވާހަކަފުޅުގައި ތަމްރީނު ޕްރޮގްރާމުތަކަކީ ނުވަތަ ޕޮރޮފެޝަނަލް ޑިވޮލޮޕްމެންޓް ޕްރޮގްރާމުތަކަކީ ނުހަނު ބޭނުންތެރި އޭގެ ސަބަބުން ގިނަގުނަ ފައިދާތަކެއް މުއައްސަސާތަކަށް ލިބިގެންދާނެ ކަމެއްކަމަށް ވިދާޅުވިއެވެ. އަދި ކުރިއަށް އޮތްތަނުގައި މއެ ފަދަ ޕްރޮގްރާމުތައް ރާއްޖޭގެ ތަފާތު ކަންކޮޅުތަކުގައި ހިންގުމަށް އިސްކަންދެއްވާނެ ކަމަށްވެސް އޭނާ ވިދާޅުވިއެވެ.
އޭގެއިތުރުން ރާއްޖޭގައި ހުރި ހުރިހައި ނިޒާމެއް، ލާމަރުކަޒީ ނިޒާމަށް ފަހިވެފައި އަދި ނެތް ކަމަށްވެސް މިނިސްޓަރުގެ ވާހަަކަފުޅުގައިި ފާހަގަކުރެއްވިއެވެ.
މަތިވެރީގައި އޮތް މި ރަސްމިއްޔަތުގައި އޮޑިޓަރ ޖެނަރަލާއި، އަރިއަތޮޅު އުތުރުބުރީ އަތޮޅު ކައުންސިލްގެ ރައީސާއި، މަތިވެރި ކައުސިލްގެ ރައީސާއި، އަތޮޅު ކައުންސިލާއި، މަތިވެރި ކައުންސިލްގެ މެންބަރުންނާއި، ލޯކަލް ގަވަމަންޓް މިނިސްޓްރީގެ ސްޓޭޓް މިނިސްޓަރ މުހައްމަދު މާހިރާއި، ޝަރަފުއްދީން އަބޫބަކުރާއި އަދި އއ. އަތޮޅު ބެލެހެއްޓުމާއި ހަވާލުވެ ހުންނެވި މި މިނިސްޓްރީގެ ނާއިބު އަހްމަދު ހަލީމް ބައިވެރިވެ ވަޑައިގެންނެވިއެވެ.
