އެންއައިސީގެ މެންބަރުކަމަށް ރައީސް ނަން ފޮނުއްވި، އަލްއުސްތާޛާ މަރިޔަމް އިންޝާ ފައިސަލް: އޭނާގެ ނަން ފޮނުއްވާފައި ވަނީ އެންއައިސީގެ މެންބަރު އަހުމަދު ޖިހާދުގެ ދައުރު ހަމަވުމާ ގުޅިގެން - ފޮޓޯ/ އެންއައިސީ
އިންޝާ އަށް އެންއައިސީގެ މެންބަރުކަމަށް ކޮމިޓީން ރުހުން ދީފި
ގުފްތަގް އަޖީރު
04 ޑިސެމްބަރ 2024 - 15:10:35
ނެޝަނަލް އިންޓެގްރިޓީ ކޮމިޝަން (އެންއައިސީ) ގެ މެންބަރުކަމަށް އަލްއުސްތާޛާ މަރިޔަމް އިންޝާ ފައިސަލް އައްޔަންކުރުމަށް މަޖިލީހުގެ މިނިވަން މުއައްސަސާތަކުގެ ކޮމިޓީން އިއްތިފާގުން ފާސްކޮށްފި އެވެ.
Advertisement
އިންޝާ އަކީ ގާނޫނީ ދާއިރާއިން ޑިގްރީ ހާސިލްކޮށްފައިވާ، މިހާރު މާސްޓާސް ޑިގްރީ ހާސިލްކުރަމުންދާ ބޭފުޅެކެވެ. އޭނާ ވަނީ ކުރިން ޕޮލިސް އިންޓެގްރިޓީ ކޮމިޝަނާއި އެންއައިސީގައި އިންވެސްޓިގޭޓަރެއްގެ ގޮތުގައި މަސައްކަތް ކޮށްފަ އެވެ.
އިންޝާގެ ނަން މަޖިލީހަށް ރައީސުލްޖުމްހޫރިއްޔާ ފޮނުއްވީ މިދިޔަ މަހުގެ 23 ވަނަ ދުވަހު އެވެ. އެއީ އެންއައިސީގެ މެންބަރު އަހުމަދު ޖިހާދުގެ ދައުރު ހަމަވުމާ ގުޅިގެންނެވެ.
އެންއައިސީ އަކީ ގާނޫނު ތަންފީޒުކުރާ އިދާރާތަކާއި އެ އިދާރާތަކުގެ މުވައްޒަފުން ކުރާ ގާނޫނާ ހިލާފު އަމަލުތައް ބަލައި ތަހުގީގުކުރާ މުއައްސަސާ އެވެ. މިހާރު އެ ކޮމިޝަނުގައި ތިބީ ހަތަރު މެންބަރުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
