ތިނަދޫ ސިޓީއަކަށް ހެދީ މިދިޔަ ރިޔާސީ އިންތިހާބުގެ ދުވަސްވަރު ކުރީގެ ރައީސް އިބްރާހީމް މުޙައްމަދު ސާލިހުއެވެ. ތިނަދޫއަށް ސިޓީގެ ދަރަޖަ ދިނީ މިދިޔަ އަހަރުގެ އޮގަސްޓް 30 ގައެވެ. އޭގެ ފަހުން ޑރ. މުއިއްޒުވެސް ވެރިކަމަށް ވަޑައިގެން މި ނިންމެވުން އެގޮތުގައި ބާއްވަން ވަނީ ނިންމަވާފައެވެ. އަދި ތިނަދޫ ސިޓިއަކަށް ހަދަން ގާނޫނީ ގޮތުން ނިންމަންޖެހޭކަންކަން ނިންމީވެސް މި ސަރުކާރުންނެވެ.
ސައުދު ވަނީ ތިނަދޫ ސިޓީއަކަށް ހެދި މި މައްސަލަ މިމަހުގެ އެއްވަނަދުވަހު ރައްޔިތުން މަޖިލިހަށްވެސް ހުށައަޅާފައެވެ.
ސައުދުﷲ ހުށައެޅި މައްސަލާގައި ބުނެފައިވަނީ ތިނަދޫއަށް 2023 ގައި ސިޓީގެ ދަރަޖަ ދީފައިވަނީ ލާމަރުކަޒީ ގާނޫނާ ހިލާފަށް ކަމަށެވެ. އަދި 2022 އިން ފެށިގެން ތިނަދޫ ކައުންސިލުން އެ ރަށުގެ އާބާދީއާ ގުޅޭ ތަފާސްހިސާބުތައް އޮޅުވާލާފައިވާ ކަމަށް އޭނާ ވަނީ ތުހުމަތުކޮށްފަ އެވެ.
ސައުދުﷲ ގެ ސިޓީގައި ވިދާޅުވެފައިވާ ގޮތުގައި ތިނަދޫގެ އަސްލު އާބާދީ 8،000 އަށް ވެސް ނާރާ ކަމަށް އެލްޖީއޭ އަދި ޑީއެންއާރަށް އެނގިފައިވެ އެވެ. އަދި އެ ރަށުގެ ރަޖިސްޓްރީގައި އެހެން ރަށްރަށުގެ މީހުންގެ ނަން ހިމަނައި، ތަކުރާރުކޮށް އެކެއްގެ ނަން ޖަހައި، މަރުވެފައިވާ މީހުން ދިރިތިބި މީހުންގެ ގޮތުގައި ހިމަނާފައިވާ ކަމަށް ވެސް އޭނާ ވަނީ ތުހުމަތުކުރައްވާފައެވެ.
މި މައްސަލަ މަޖިލީހަށް ހުށަހެޅުމުގެ ކުރިން، ތިނަދޫގެ ސިޓީގެ ދަރަޖަ ބާތިލުކުރަން އެދި ހައި ކޯޓަށް ދުސްތޫރީ މައްސަލައެއް ހުށަހަޅާފައިވެ އެވެ. އެ މައްސަލަ ހުށަހެޅީ ގާނޫނީ ވަކީލު އަދި ތިމާވެއްޓާ ބެހޭ މިނިސްޓްރީގެ ކުރީގެ ޑެޕިއުޓީ މިނިސްޓަރު މުހައްމަދު ރާގިބު އަހުމަދެވެ.
- ތިނަދޫގެ އަސްލު އާބާދީ 8،000 އަށް ވެސް ނާރާކަމަށް ބުނެފައިވޭ
- މި މައްސަލަ ހައި ކޯޓަށް ވެސް ހުށަހަޅާފައިވޭ
- މައްސަލަ ހުށަހެޅުމަށްފަހު ރާގިބު ވަނީ މަގާމުން ވަކިކޮށްފަ
- ސިޓީގެ ދަރަޖަ ދިނީ ލާމަރުކަޒީ ގާނޫނާ ހިލާފަށް ކަމަށް ތުހުމަތުކުރޭ
