ads
ދުންފަތު ދުރުވާން ގުޅަން ނަމްބަރެއް، ހުރިހާ ހަރަދު އާސަންދައިން
ދުންފަތުން ދުރުވާން ބޭނުންވާ ފަރާތަކަށް އެކަމަށް ފަރުވާ ހޯދުމަށް ގުޅަން ނަމްބަރެއް ހެލްތް މިނިސްޓްރީން ތައާރަފުކޮށްފިއެވެ.
Advertisement

ރާއްޖޭގެ ހުރިހާ ސިޓީތަކާއި ރަށްތަކުގައި "ޓޮބޭކޯ ސިޒޭޝަން ކްލިނިކް" ސިނގިރޭޓާ ދުރުކޮށްދޭ ކްލިނިކްތައް ޤާއިމުކުރުމަށް ރައީސް ޑރ. މުހައްމަދު މުއިއްޒު ވަނި ނިންމާފައެވެ. 

މިކަމާއި ގުޅިގެން މި މަސައްކަތް ކުރިޔަށްދާ ގޮތް ހާމަކުރަން ހެލްތް މިނިސްޓްރީން މިއަދު ބޭއްވި  ނޫސްވެރިންގެ ބައްދަލުވުމެެއްގައި ހެލްތް މިނިސްޓަރު އަބްދުﷲ ނާޒިމް ވިދާޅުވީ ދުންފަތުން ދުރަށްދާން ބޭނުންވާ މީހުން ފަރުވާ ހޯދުމަށް އެ  މިނިސްޓްރީން މިހާރު ނަމްބަރެއް ތައާރަފުކޮށްފައިވާކަމަށެވެ. 

މިގޮތުން ކުއިޓް ލައިންގެ ގޮތުގައި ތައާރަފުކޮށްފައިވާ ނަމްބަރު 1671 މި ހިދުމަތް އަންނަ އާދިއްތަދުވަހުން ފެށިގެން އެޗްޕީއޭ މެދުވެރިކޮށް ލިބެމުންދާނެކަން މިނިސްޓަރު ނާޒިމް ފާހަގަކުރެއްވިއެވެ. 

މިނިސްޓަރު ނާޒިމް ވިދާޅުވީ ދުންފަތުން ދުރުވާ ބޭނުންވާ މީހުންނަށް ބޭނުންވާ ތަކެތި އާސަންދަ މެދުވެރިކޮށް ލިބޭނެ އިންތިޒާމުތައް ހަމަޖެއްސުމުގެ މަސައްކަތް މިހާރު ކުރަމުން އަންނަކަމަށެވެ.

" މިކަމަށް ބޭނުންވާ ނިކޮޓިން ޕެޗް، އާދެ ގަމް އަދި އެހެނިހެން ފަރުވާވެސް އާސަންދައި ކަށަވަރުކުރާނެ ގޮތް މިހާރު ސަރުކާރުން ވަނީ ނިންމާވާފައި." ހެލްތް މިނިސްޓަރު ނާޒިމް ވިދާޅުވިއެވެ.

ދުންފަތުގެ އިސްތިޢުމާލުކުރުން ހުއްޓާލަން ބޭނުންވާ ފަރާތްތަކަށް ބޭނުންވާ ބޭސް، އެސް.ޓީ.އޯ މެދުވެރިކޮށް ރާއްޖޭގެ ހުރިހާ ސިޓީތަކާއި އަތޮޅު ހޮސްޕިޓަލް ގާއިމުކޮށްފައިވާ ރަށްތަކުން ލިބޭނެ އިންތިޒާމު ހަމަޖެއްސުމަށް ނިންމެވިކަންވެސް ސަރުކާރުން ވަނީ ހާމަކޮށްފައެވެ.  

100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް