
އެ ސަރަހައްދުތަކުގައި ހުރި މަހާނަ ގާތައް ބޭނުންވާ ފަރާތްތަކަށް މި މަހުގެ 15 ވަނަ ދުވަހުގެ ކުރިން އެކަން ކުރުމަށް ކައުންސިލުން ވަނީ އަންގާފައެވެ.
ކައުންސިލުން އިއްޔެ ނެރުނު އިއުލާނެއްގައި ބުނެފައިވަނީ ގަލޮޅު ސަހަރާގެ އިރު ދެކުނު ފަރާތާއި ހުޅަނގު އުތުރު ފަރާތުގައި ހުރި ގަބުރުތަކެއް ނަގަން ޖެހިފައިވާ ކަމަށެވެ. އަދި އެ މުއްދަތުގެ ތެރޭގައި ނުނަގާ ހުންނަ ގަބުރުތައް ނައްތާލާނެ ކަމަށް ކައުންސިލުން ބުނެފައިވެ އެވެ.
ގަލޮޅު ސަހަރާގައި މިހާރު ކުރަމުންދާ މަސައްކަތަކާ ގުޅިގެން މި ގަބުރުތައް ނަގަން ޖެހިފައިވީ ނަމަވެސް، އެއީ ކޮން މަސައްކަތެއްކަން ކައުންސިލުން ހާމަކޮށްފައެއް ނުވެ އެވެ.
މިއީ މާފަންނު ސަހަރާގައި ހުރި ކަށިތައް ނަގައި އެ ސަރަހައްދު ހުސްކުރުމުގެ މަސައްކަތް ކުރަމުންދާ ދަނޑިވަޅެއްގަ އެވެ. މާފަންނު ސަހަރާގެ ބިމުގައި ޕާކިން ބިލްޑިންގއެއް އެޅުމަށް ސަރުކާރުން ނިންމާފައިވާތީ އެ ސަރަހައްދު ހުސްކުރަމުން އެ ދަނީ އެވެ.