އިޒްރޭލުގެ ނެޝަނަލް ސެކިއުރިޓީ ކައުންސިލުން މިއަދު ވަނީ އެ ގައުމުގެ ރައްޔިތުންނަށް ރާއްޖެއަށް ކުރާ ދަތުރުތަކުގެ ސަމާލުކަން ލެވެލް 2 އިން ލެވެލް 3 އަށް އުފުލާފަ އެވެ.
ކައުންސިލުން ބުނީ ރާއްޖޭގައި ޓެރަރިސްޓު ހަރަކާތްތަކަށް ތާއީދުކުރާ ފަރާތްތައް ތިބުމާއި، އިޒްރޭލު ރައްޔިތުންނާއި ޔަހޫދީންނާ ދެކޮޅަށް ރާއްޖޭގައި އޮތް ރުޅިވެރިކަން އިތުރުވަމުން އަންނާތީ މި ނިންމުން ނިންމީ ކަމަށެވެ.
ލެވެލް 3 ގެ ސަމާލުކަމުގައި އިޒްރޭލު ރައްޔިތުންނަށް އިރުޝާދު ދެނީ ކޮންމެހެން ބޭނުން ކަމެއް ނޫނީ އެ ގައުމަކަށް ދަތުރު ނުކުރުމަށެވެ.
މީގެ އިތުރުން އާމީނިއާއަށް ކުރާ ދަތުރުތަކުގެ ސަމާލުކަން ލެވެލް 1 އިން ލެވެލް 2 އަށް އުފުލާފައިވާ އިރު، ބްރެޒިލްއަށް ކުރާ ދަތުރުތަކުގެ ސަމާލުކަން ލެވެލް 2 އިން ލެވެލް 1 އަށް ދަށްކޮށްފައި ވެއެވެ. ނަމަވެސް ބްރެޒިލް-އާޖެންޓީނާ-ޕެރަގުއޭ ބޯޑަރު ސަރަހައްދަށް ލެވެލް 2 ގެ ސަމާލުކަން ދެމެހެއްޓުމަށް ވަނީ ނިންމާފަ އެވެ.
