މާލޭގެ އެއްގަމު ތޮށި މަރާމާތުކުރުމަށް ކުރިޔަށް ގެންދާ "ޑިޒާސްޓާ ރެޒިލިއަންސް އެންހޭންސްމަންޓް އިން މާލެ އައިލެންޑް" މަޝްރޫއުގެ އެއްބަސްވުމުގައި ޖަޕާނު ސަރުކާރާއެކު ރާއްޖެއިން ސޮއިކުރީ މިދިޔަ ސެޕްޓެމްބަރުމަހުގެ 17 ގައެވެ.
މި މަޝްރޫއުގެ ޑީޓެއިލް ޑިޒައިން ކުރުމުގެ ގޮތުން ކޮންސަލްޓެންސީ އެއްބަސްވުމެއް ސޮައިކޮށްފައިވާކަމަށް މ ކޮންސްޓްރަކްޝަން މިނިސްޓްރީން ބުނެެއެވެ. މި އެއްބަސްވުމުގައި ރާއްޖޭގެ ފަރާތުން ސޮއިކުރީ ސްޓޭޓް މިނިސްޓަރު ތައާމް މުހައްމަދުއެވެ. ކޮންސަލްޓެންޓް ޓީމުގެ ފަރާތުން ސޮއިކުރީ ޗީފް ކޮންސަލްޓެންޑް ހިރޯމީ ނަމިކީއެވެ.
މި މަޝްރޫއަށް ޖަޕާން ސަރުކާރުން 20 މިލިއަން ޖަޕާނީސް ޔެން (ގާތްގަނޑަކަށް 140,000 އެމެރިކާ ޑޮލަރު) ހިލޭ އެހީގެ ގޮތުގައި ދިނުމަށް ނިންމާފައެވެ. މި މަޝްރޫއުގެ މަގްސަދަކީ ކަނޑުގެ ލޮނުގަނޑު އުފުލުމާއި މޫސުމާ ގުޅުންހުރި އެހެނިހެން ކާރިސާތަކުގެ ނުރައްކަލުން މާލެ ރައްކާތެރިކުރުމެވެ.
މިނިސްޓާ ޒަމީރު ވިދާޅުވި ގޮތުގައި މިއީ އަންނަން އޮތް ޖީލުތަކަށް ދެމެހެއްޓެނިވި ރައްކާތެރިކަން ފޯރުކޮށްދޭނެ މަޝްރޫޢެކެވެ.
