އޭނާ ފެނުނީ ބެންގަލޫރުގައި ބޭއްވި ދިލްޖިތް ދޯސަންޖްގެ މިއުޒިކް ކޮންސަޓެއްގައެވެ.
ސެޕްޓެމްބަރު މަހު ރަންވީރް ސިންގްއާއެކު ދަރިފުޅު ލިބުނު ފަހުން، ދީޕިކާ ވަނީ އާންމު ތަންތަނުގައި ނުފެނި ގިނަ ދުވަސްތަކެއް ވެފައެވެ. ނަމަވެސް އިއްޔެ ރޭ ބެންގަލޫރުގައި ބޭއްވުނު ކޮންސަޓުގައި އޭނާ ފެނުނީ ވަރަށް އުފާވެރި މޫޑެއްގައެވެ. ދީޕިކާ އަދި ރަންވީރްގެ ދަރިފުޅުގެ ނަމަކީ ދުއާ ޕަދުކޯން ސިންގް އެވެ.
ދިޕިކާ ކޮންސެޓު ބަލަންގޮސް
ކޮންސަޓުގައި ހުދު ކުލައިގެ ޓީޝާޓަކާއި ނޫކުލައިގެ ޖީންސް ލައިގެން ހުރި ދީޕިކާ ވަނީ ދިލްޖިތްގެ "ލަވާ" ލަވައަށް ޑާންސްކޮށް، ކޮންސަޓު ފުރިހަމައަށް އެންޖޯއިކޮށްފައެވެ. އޭނާގެ މޫނުމަތިން ފެންނަ އުފާވެރިކަމާއި މަންމައެއްގެ ހިނިތުންވުން ވަނީ ގިނަ ބައެއްގެ ސަމާލުކަން ހޯދައިފައެވެ.
މަސައްކަތުގެ ދާއިރާއިން ދީޕިކާ އެންމެ ފަހުން ފެނިފައިވަނީ "ސިންގަމް އަގެއިން" ފިލްމުގައި ޝަކްތި ޝެޓީގެ ރޯލުންނެވެ. މި ފިލްމުގައި އޭނާގެ ދައުރަށް ވަރަށް ބޮޑު ތަރުހީބެއް ލިބި، ވަކި ފިލްމެއްގައި މި ކެރެކްޓަރު ގެނެސްދިނުމަށް ގިނަ ބަޔަކު އެދެމުންދެއެވެ.
