ކްރިކެޓް ބޯޑް އޮފް މޯލްޑިވްސް (ސީބީއެމް) އިން އިންތިޒާމުކޮށްގެން ބޭއްވި "މޯލްޑިވްސް ޓީ10 ސްމޭޝް" ގެ ޗެމްޕިއަންކަން ސީބީއެލް ސްޕޯޓްސްއިން ހޯދީ ފައިނަލުގއި އެމްއެސް ހެލްޕިން ހޭންޑް ސްޕޯޓްސް އެކެޑަމީއާ ވާދަކޮށް 57 ލަނޑުންނެވެ.
މި މެޗުގެ ގުރުދިމާވުމުން ސީބީއެލް އެންމެ ފުރަތަމަ ކުޅެން އަރައި 10 އޯވަރުގެ ތެރޭގައި ތިން ކުޅުންތެރިން ނުބައިވެގެން ވަނީ 123 ލަނޑު ހަދާފައެވެ. ޖަވާބުގައި އެމްއެސް ހެލްޕިން ހޭންޑް ކުޅެން އަރައި 10 އޯވަރު ހަމަވިއިރު ފަސް ކުޅުންތެރިން ނުބައިވެގެން ހެދިފައިވަނީ 66 ލަނޑެވެ.
މި މުބާރާތުގެ އެންމެ ގިނަ ލަނޑު ހެދި ކުޅުންތެރިޔާގެ މަގާމާއި، ހުރިހާ ގޮތަކުން އެންމެ މޮޅު ކުޅުންތެރިއަކަށް ހޮވުނީ ސީބީއެލްގެ ތާރަކައެވެ. އަދި އެންމެ ގިނަ ވިކެޓް އަހްމަދު އަމީލް އާއި ތަރިއްދު ނެގިއިރު، އެންމެ ގިނަ ބޯޅަ ހިފާފައިވަނީ އޮފް އެފްސީގެ ޒިޔާއުލްއެވެ.
