ރައީސް މިހެން ވިދާޅުވީ މިއަދު އއ އަތޮޅަށް ކުރައްވާ ދަތުރު ފުޅުގައި ތޮށްޑޫ އަށް ވަޑައިގެން އެރަށު ރައްޔިތުންނާ ބައްދަލުކުރައްވާ ވާހަކަ ދައްކަވަމުން ނެވެ.
ވައުދުވީ މުހިއްމު މަޝްރުއުތައް މިއަހަރުތެރޭ ނުކުރެވުނު ސަބަބުތަކަށް އަލިއަޅުއްވާލަމުން ރައީސް ވިދާޅުވީ އެއީ ފޮރުވިފައި އޮތް ވާހަކައެއް ނޫން ކަަމަށާއި އެއީ ހުރިހާ އެންމެންނަށް ވެސް ހަގީގަތް އެނގޭ ވާހަކައެއް ކަަމަށެވެ.
ތަންފީޒްކޮށް ނިންމަން ޖެހުނީ ޕިއެންސީ ސަރުކާރުން ފާސްކުރި ބަޖެޓެއް ނޫން ކަމަށާއި މިއަަހަރު މިމަހާ އެކީގަިއވެސް ހިނގަމުން ދަނީ މިދިޔަ ސަރުކާރުން ، އެ ސަރުކާރުގެ މެޖޯރިޓީ އޮތް މަޖިލީހަކަށް ހުށަހަޅައިގެން ، އެއިރުގެ ޓްރާސްސިޝަން މުއްދަތުގައި ރިއާޔަތް ނުކޮށް ފާސްކޮށްފައި އޮތް ބަޖެޓެއް ކަމަށް ރައީސް މުއިއްޒު ވިދާޅުވިއެވެ. އެއީ އެއްވެސް ގޮތަކަށް މަސައްކަތް ކުރއަށް ނުގެންދެވޭ ގޮތަށް ފާސްކޮށްފައި އޮތް ބަޖެޓެއް ކަމަށް އެމަނިކުފާނު ފާހަގަކުރެއްވިއެވެ.
މިހާރު އޮތީ ރައްޔިތުންނަށް ކަންކަން ކޮށްދެވޭ ގޮތަށް މަގުފަހިވެފައި ކަަމަށާއި އަނަނަ އަހަރު މަޝްރޫއުތައް ކުރިއަށް ގެންދިއުމަށްޓަކަިއ ފާސްކުރި ބަޖެޓު، 2025 ގެ މަޝްރުއުތަަކަށް އެބަޖެޓު ހިނގާނެ ކަަމަށް ރައިސް ވިދާޅުވިއެވެ. އަދި މަހުގެ ފަހުކޮޅުން ފެށިގެން މަޝްރޫތަކުގެ އަަމަލީ މަސައްކަތް ފަށާނެ ކަމުގެ ޔަގީންކަން ރައީސް ދެއްވިއެވެ.
ރައީސް ވިދާޅުވިގޮތުގައި މަސައްކަތްތައް ކުރިއަށް ގެންދިއުމަށް އެންމެ ބޮޑު ކަމަކަށްވީ ސިޔާސީ ވިސްނުމެއްގައި ސަރުކާރަށް އުނދަގޫ ކުރުމަށްޓަކައި އޭރުގެ މަޖިލީހުން ފާސްކޮށްފައި އޮތް ބަޖެޓު ކަމަށާއި އެކަން މިހާރު އޮތި ނިމުމަކަށް ގެނެވިފައި ކަަމަށް އެމަނިކުފާނު ވިދާޅުވިއެވެ.
އޭގެ އިތުރުން ރައީސް ވަނީ ތޮށްޑޫ މަގުހެދުމުގެ މަޝްރޫއަކީ ސޮއިކުރެވިފައި އޮތް މަޝްރޫއެއް ކަަމަށް ފާހަގަކޮށް 2025 ގައި ކުރިއަށް ގެންދަން ފާސްކޮށްފައި އޮތް ބަޖެޓުގައި އެންމެ އިސްކަމެއް ދޭ އެއްކަމަކަށް މަގުހެދުން ވާނެކަމަށް ވިދާޅުވެފައެވެ.
އެގޮތުން ތޮށްޑޫ ފެނާއި ނަރުދަމާ ކަންކަން މިހާރު ނިމިފައި އޮތުމާއެކީގަިއ މަގުހެދުމާ ހަމައަށް އޮތީ ގޮސްފައި ކަަމަށާއި ރަށުގެ ރައްޔިތުން އެޑިވަޑަިއިގަންނަވާ ގޮތަށް އަންނަ އަހަރު ވާޏީ މަގުހެދުމުގެ މަޝްރޫއު ހިނގާ އަހަރަށް ކަަމަށް ރައީސް ވިދާޅުވިއެވެ.
ރައީސް ވިދާޅުވީ އެއްދަންފަޅިއަކަށް އޭލަވަވަލް އާ ހަމައަށް ކިޔެވުމަށް ތޮށްޑޫ ސްކޫލްގައި ޖާގަ އިތުރު ކުރުަމަކީ ވެސް ޖެހޭ ވައުދު ފުޅެއް ކަމަށާއި ސްކޫލްގެ ވަސީލަތްތައް އިތުރުކޮށް އެކަން ވެސް ސްކޫލްގެ ބާކީ އޮތް ޖާގާގައި ކުރިއަށް ގެންދާނެ ކަަމަށެވެ.
