Advertisement

ސްޕެނިޝް ލީގުގައި ރޭ ޖިރޯނާއާ ދެކޮޅަށް ކުޅުނު މެޗުން ރިއާލް މޮޅުވީ ތިން ލަނޑު ސުން ލަނޑުންނެވެ. މި މެޗުގައި އެމްބާޕޭ ޖެހި ލަނޑަކީ އޭނާގެ ކްލަބު ކެރިއަރުގެ 200 ވަނަ ލަނޑެވެ. ރޭ އަނެއް ދެ ލަނޑު ޖެހީ، ޖޫޑް ބެލިންހަމް އަދި އާޑާ ގުލާއެވެ.

އެންމެ ފަހުގެ ޗެމްޕިއަން ރެއާލް މެޑްރިޑް އިން ރަށުން ބޭރުގައި ކުޅުނު މި މެޗުން މޮޅުވުމާއެކު އެ ޓީމަށް ވަނީ ލީގުގައި މިހާތަނަށް ކުޅުނު 16 މެޗުން 36 ޕޮއިންޓާއެކު ތާވަލުގެ ދެވަނަ ލިބިފަ އެވެ. އެއްވަނައިގައި އޮތް ބާސެލޯނާ އަށް 17 މެޗުން ލިބިފައިވަނީ 38 ޕޮއިންޓެވެ.

ރޭ އެމްބާޕޭ ޖެހި ލަނޑަކީ ރިއާލްއަށް އޭނާ ޖެހި ނުވަ ވަނަ ލަނޑެވެ. އެ ލަނޑާއެކު 200 ލަނޑު ކްލަބު ކެރިއަރުގައި ހަމަވަނީ، ޕީއެސްޖީއަށް ޖެހި 175 ލަނޑާ، މޮނާކޯއަށް ޖެހި 16 ލަނޑާއެކުއެވެ. ކްލަބު ކެރިއަރުގައި އެމްބާޕޭގެ މެޗުގެ އަދަދަކީ، 261 އެކެވެ.