އެ މަނިކުފާނު މިހެން ވިދާޅުވީ މިހާރު އއ އަތޮލަށް ކުރައްވަމުން ގެންދަވާ ދަތުރުފުޅުގައި އެ އަތޮޅު މަތިވެރި ރައްޔިތުންނާއި ބައްދަލުކުރައްވާ ވާހަކަ ދައްކަވަމުންނެވެ.
މަތިވެރީ ރައްޔިތުންނާއި ވާހަކަ ދައްކަވަމުން ރައީސް ޑރ. މުއިއްޒު ވިދާޅުވީ މިދިޔަ ރޯދަމާއި އެއްގޮތަށް މި ފެށެ ރޯދަމަހުވެސް ފެނާއި ކަރަންޓް ބިލުން ރައްޔިތުންނަށް ޑިސްކައުންޓް ދެއްވާނެކަމަށެވެ. އަދި އޭގެ އިތުރަށްވެސް ރައްޔިތުންނަށް އެހީތެރިކަން ފޯރުކޮށްދޭނެކަމަށްވެސް ރައީސް ޑރ. މުހައްމަދު މުއިއްޒު ވިދާޅުވިއެވެ.
މިދިޔަ ރޯދަމަހު ގޭބީސީތަކަށް ކަރަންޓާއި ފެން ބިލުން 142 މިލިއަން ރުފިޔާގެ ޑިސްކައުންޓެއް ދީފައިވާކަމަށް މީގެ ކުރިން ސަރުކާރުން ވަނީ ބުނެފައެވެ.
މިއަހަރުގެ ރޯދަމަހުވެސް ކަރަންޓައި ފެން ބިލުން ޑިސްކައުންޓް ދޭނެކަން ރައީސް އިއުލާންކުރެއްވިއިރި މި ފެސޭ ރޯދަމަހު ކޮންމެ ގޭބިސީއަކަށް ފެލިވަރު މަސްދަޅު ކޭހެއް ދެއްވާނެކަންވެސް މީގެ ކުރިން ރައީސް ޑރ. މުއިއްޒު ވަނީ އިއުލާންކުރައްވާފައެވެ. އަދި އެ މަސައްކަތް ކުރަން އެސްޓީއޯއަށް އަންގަވާގައިވާކަމަށްވެސް ރައީސް ވިދާޅުވިއެވެ.
