މީރާގެ ޑިރެކްޓަރުންގެ ބޯޑުގައި މިހާރު ތިއްބެވި މެންބަރުންގެ ތެރެއިން މެންބަރެއްގެ މުއްދަތު ހަމަވާތީ އެ މަގާމަށް ކުރިމަތިލުމަށް ރައީސް އޮފީހުން ހުޅުވާލީ މިދިޔަ މަހުގެ 17 ވަނަ ދުވަހު އެވެ.
ރައީސް މުއިއްޒު މަޖިލީހަށް ފޮނުއްވި ސިޓީގައި ވަނީ މީރާގެ ޑިރެކްޓަރުންގެ ބޯޑަށް ކުރިމަތިލުމަށް އާންމުކޮށް އިއުލާނުކުރުމުން އެކަމަށް އިޖާބަ ދެއްވި ބޭފުޅުންގެ ތެރެއިން އެ މަގާމަށް ޝަރުތު ހަމަވާ ބޭފުޅުންގެ ނަންފުޅާއި އެ ބޭފުޅުންގެ މައުލޫމާތު އެ މަގާމުތަކަށް އައްޔަންކުރުމަށް އިސްކަންދޭ ތަރުތީބުން ހުށަހަޅުއްވާފަ އެވެ.
ބޯޑު މެންބަރު ކަމަށް ކުރިމަތިލާން ހުޅުވައިލުމުން އެމަގާމަށް ކުރިމަތިލި ބޭފުޅުންގެ ތެރެއިން ފަސް މެންބަރުންގެ ނަން ރައީސުލްޖުމްހޫރިއްޔާ ވަނީ މަޖިލީހަށް ފޮނުއްވާފަ އެވެ. އެއީ؛
- ދަހާ ޝުއައިބް، ހ ކެރީބިއަން
- އަހްމަދު ފާއިޒް މުހައްމަދު، ލ މާވަށް، އަސްރަފީ ހިޔާ
- އަބްދުﷲ އިމްރާން، ރ ހުޅުދުއްފާރު، މާލަމް
- މަހްޒޫމް ސަލީމް، ކ ކާށިދޫ، ޝަބްނަމްގެ
- އާމިނަތު އާފިޔާ، ރސ 13462
މި ނަންތައް ދިރާސާ ކުރުމަށް މަޖިލީހުގެ ރައީސް އަބްދުއްރަހީމް އަބްދުﷲ މިއަދު ވަނީ އިގްތިސާދީ ކޮމިޓީއަށް ފޮނުއްވައިފަ އެވެ.
