ދެކުނުގެ ކަސްޓަމްސްގެ ސަރަހައްދީ އޮފީސް ހުުޅުވީ އައްޑޫސިޓީ މަރަދޫގައެވެ. މި އޮފީސް ހުޅުއްވައި ދެއްވީ ހޮމް މިނިސްޓަރު އަލީ އިހުސާން އާއި ކޮމިޝަނަރު ޖެނެރަލް އޮފް ކަސްޓަމްސް ފާތިމަތު ދިޔާނާއެވެ.
މިތަން ހުޅުވާ ދެއްވުމަށްފަހު މިނިސްޓަރު އިހްސާން ވިދާޅުވީ ކަސްޓަމްގެ ދެކުނު އޮފީހުގެ މަސައްކަތަކަށްވާނީ އެ ސަރަހައްދަށް ގެންނަ މުދާތަކުގެ ޑޮކިއުމެންޓޭޝަން މަސައްކަތްތައް ކުރުންކަމަށެވެ. އަދި ކުރިއަށް އޮތް ތަނުގައި މުޅި ރާއްޖޭގައިވެސް ކަސްޓަމްސް ބައެއް ހިދުމަތްތައް ދެވޭ ވަރުގެ އޮފީހަކަށް މި އޮފީސް ވެގެން ދިޔުން އެއީ އަމާޒެއްކަމަށްވެސް މިނިސްޓަރު އިހްސާން ވިދާޅުވިއެވެ.
މޯލްޑިވްސް ކަސްޓަމްސް ސާވިސްގެ ދެކުނުގެ ސަރަހައްދީ އޮފީސް ހުޅުވުމުގެ ރަސްމިއްޔާތުގެ ތެރެއިން
ކަސްޓަމްސްއިން ބުނީ މި އޮފީހަކީ ދައުލަތުގެ ބަޖެޓުން 22.3 މިލިއަން ރުފިޔާ ހަރަދުކޮށްގެން ހަދާފައިވާ ތަނެއްކަމަށެވެ. މި އިމާރާތް އަޅަން އެސްޖޭ ޓްރޭޑް ޕްރައިވެޓް ލިމިޓެޑްއާ ހަވާލުކޮށް މަސައްކަތް ފެށީ 2021 ވަނަ އަހަރުއެވެ.
ތިން ފަންގިފިލާގެ މި އިމާރާތުގައި އިދާރީ އޮފީހަކާއި ސްޓާފް އެކޮމޮޑޭޝަން ބައެއްގެ އިތުރުން ރީޖަނަލް ޓްރެއިނިން ސެންޓަރެއް ވަނީ ގާއިމުކޮށްފައެވެ.
