މީރާއިން ބުނީ މިއަހަރުގެ ނޮވެމްބަރުމަހު ލިބުނު އާމްދަނީ މިދިޔަ އަހަރުގެ ނޮވެމްބަރު މަހާ އަޅާ ބަލާއިރު 13.2 އިންސައްތަ އިތުރުކަމަށެވެ. އަދި މި މިދިޔަ މަހު ލިބޭނެ ކަމަށް އަންދާޒާކުރި އާމްދަނީއަށްވުރެ 19.7 އިންސައްތަ އިތުރު އަދަދެއްކަމަށްވެސް މީރާއިން ބުނެއެވެ. މިިދިޔަ މަހު ލިބުނު އާމްދަނީގެ ތެރޭގައި ތެރޭގައި 88.17 މިލިއަން އެމެރިކާ ޑޮލަރު ހިމެނޭކަމަށްވެސް މީރާއިން ބުނެއެވެ.
މީރާއިން އިން ބުނީ މިދިޔަ މަހު ލިބުނު އާމްދަނީ އަންދާޒާކުރި ވަރަށްވުރެ އިތުރުވެފައިވާއިރު އެއްފަހަރާ ނަގާ ފީތައް ބަލައިގެންފައިވުމާއެކު އާމްދަނީން ރަނގަޅު ނަތީޖާއެއް ލިބިފައިވާ ކަމަށެވެ.
މިދިޔަ މަހު ލިބުނު އާމްދަނީ އިތުރުވި މައިގަނޑު ސަބަބަކީ މި އަހަރު ބިން ހޯދުމާއި ބަދަލުކުރުމުގެ ފީ އަދި ލީސް ޕީރިއަޑް އެކްސްޓެންޝަން ފީގެ ގޮތުގައި އާމްދަނީ ލިބުންކަމަށް މީރާއިން ބުނެއެވެ މީގެއިތުރުން އެއާޕޯޓު ޓެކުހާއި ފީއާއި ޖީއެސްޓީގެ ގޮތުގައި ލިބިފައިވާ އާމްދަނީވެސް ނޮވެމްބަރު މަހު އިތުރުވެފައިވާކަމަށް މީރާއިން ބުނެއެވެ.
މިދިޔަ މަހު އެންމެ ބޮޑު އާމްދަނީއެއް ލިބުނީ ޖީއެސްޓީއެވެ. ޖީއެސްޓީގެ ގޮތުގައި 1.09 ބިލިއަން ރުފިޔާ ލިބިފައިވެއެވެ. މީ މިދިޔަމަހުގެ އާމްދަނީގެ 57.9 އިންސައްތައެވެ. ދެން އެންމެ ބޮޑު އާމްދަނީއެއް ލިބިފައިވަނީ ބިން ހޯދުމާއި ބަދަލުކުރުމުގެ ފީއިންނެވެ. އެގޮތުން އެ ފީގެ ގޮތުގައި171.62 މިލިއަން ރުފިޔާ ވަނީ ލިބިފައެވެ.
އެއާޕޯޓު ޑިވެލޮޕްމެންޓަލް ފީގެ ގޮތުގައި 93 މިލިއަން ރުފިޔާއާއި، އާމްދަނީން ނަގާ ޓެކުހުގެ ގޮތުގައި 92.79 މިލިއަން ރުފިޔާ އަދި ޑިޕާޗާ ޓެކުހުގެ ގޮތުގައި 91.45 މިލިއަން ރުފިޔާ މިދިޔަ މަހު އާމްދަނީގެ ގޮތުގައި ލިބިފައިވާކަމަށް މީރާއިން ބުނެއެވެ.
