މިނިސްޓަރު މިހެން ވިދާޅުވީ ރާއްޖެއާއި ޗައިނާއާ ދެމެދު ސީދާ ދަތުރުތައް ފެށުމަށް ބެއިޖިންގައި ބޭއްވި ރަސްމިއްޔާތަކަށް ފަހު އެކްސްގައި ކުރެއްވި ޕޯސްޓެއްގައެވެ.
މިިނިސްޓަރު އަމީން ވިދާޅުވީ ޗައިނާގެ ވެރިރަށް ވެރިރަށް ބެއިޖިން ހިމެނޭ ގޮތަށް އެ ގައުމުގެ ހަތަރު ސިޓީއަކަށް ދަތުރުތައް ފަށާނީ އަންނަ މަހުގެ ތެރޭގައިކަމަށެވެ. އަދި އެ ދަތުތައް ފަށާނީ މޯލްޑިވިއަނަށް ގެންނަ ވައިޑް ބޮޑީ އެއާކްރާފްޓްގައިކަމަށްވެސް މިނިސްޓަރު އަމީން ވިދާޅުވިއެވެ.
ދަތުރުތައް ފަށަން ނިންމާފައިވަނީ ޗައިނާގެ ވެރިރަށް ބެއިޖިން، ޝަންގްހާއީ އަދި ޗެންދޫގެ އިތުރުން ޒިއާން އަށް ކަމަށް މިނިސްޓަރު އަމީން ވިދާޅުވިއެވެ.
ރާއްޖެ ގެންނަ ފުރަތަމަ ވައިޑް-ބޮޑީ މަތިންދާބޯޓުގައި 264 ގޮނޑި ހުންނާނެ އެވެ. އެއީ ބިޒްނަސް ކްލާސް އާއި ޕްރިމިއަމް އިކޮނޮމީ ކްލާސް އަދި އިކޮނޮމީ ކްލާސް އެވެ. މި މަތިންދާބޯޓުން އެންމެ ފުރަތަމަ ދަތުރުތައް ފަށާނީ ޗައިނާއަށެވެ. އޭގެ ފަހުން ޔޫރަޕާއި ސައުތު އެފްރިކާގެ ގައުމުތަކަށް ދަތުރުތައް ފެށުމަށް ވަނީ ރޭވިފައެވެ.
