މިނިސްޓަރު ސައީދު
އެމްޑީޕީ ޗެއާޕާސަން "ލޭ އޮހުރުވަން" ގޮވި މައްސަލަ ބަލަން މިނިސްޓަރު ސައީދު ގޮވާލައިފި
ގުފްތަގް އަޖީރު
10 ޑިސެމްބަރ 2024 - 22:08:00
އެމްޑީޕީގެ ޗެއާ ޕާސަން ފައްޔާޒް އިސްމާއިލް "ލޭ އޮހޮރުވުމަށް ގޮވާލި" މައްސަލަ ބެލަންޖެހޭކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެއެވެ.
Advertisement
އެމްޑީޕީން އިއްޔެ ބޭއްވި ނޫސްވެރިންގެ ބައްދަލުވުމުގައި ފައްޔާޒް ވަނީ ރައީސް މުހައްމަދު މުއިއްޒަށް، ކުރީގެ ރައީސް މުހައްމަދު އަމީނަށް ހެދި ގޮތަށް ހަދަން ޖެހިދާނެ ކަމަށް ވިދާޅުވެފައެވެ.
މިކަމާ ގުޅިގެން މިނިސްޓަރު ސައީދު އެކްސްގައި ކުރެއްވި ޕޯސްޓެއްގައި ވިދާޅުވީ "ޓެރަރިޒަމަށް ހިތްވަރުދީ، ލޭއޮހޮރުވަން ގޮވާލުމުގެ ފިނޑި ޢަމަލު މި ހިންގީ މޑޕގެ ޗެއާޕާސަން. މި މައްސަލަ ބެލުމަކީ މުއައްސަސާތަކަށް ލާޒިމުކަމެއް،" ކަމަށެވެ.
މިނިސްޓަރު ސައީދު ވިދާޅުވީ މި މައްސަލަ ބެލުމަކީ މުއައްސަސާތަކަށް ލާޒިމު ކަމެއް ކަމަށެވެ. އަދި މިވަރަށް އިންސާނަކު ބުއްދި ފަސްވީމާ، ޒިންމާދާރު މަސައްކަތް ކުރާނީ ކިހިނެއްތޯ ވެސް ސުވާލު ކުރެއްވިއެވެ.
ފުލުހުން ބުނީ ފައްޔާޒް ރައީސް މުއިއްޒަށް އިންޒާރު ދިން މައްސަލަ މިހާރު ތަހުގީގު ކުރަމުން އަންނަ ކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
