މާލިއްޔަތު ކޮމެޓީ
ޑޮލަރު މައްސަލައިގައި މަޓީއާ އެކު ބޭއްވި ކޮމެޓީ ބައްދަލުވުން ސިއްރު
ގުފްތަގް އަޖީރު
11 ޑިސެމްބަރ 2024 - 12:36:07
ބޭރު ފައިސާއާ ބެހޭ ބިލާ ގުޅިގެން މަޖިލީހުގެ މާލިއްޔަތު ކޮމިޓީން މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ) އާ އެކު މިއަދު ބޭއްވި ބައްދަލުވުން ސިއްރުކޮށްފި އެވެ.
Advertisement
މި ބައްދަލުވުން ސިއްރުކޮށްފައިވަނީ މަޓީގެ އެދުމުގެ މަތިންނެވެ.
މި ބައްދަލުވުމުގައި މަޓީން ވަނީ ބޭރު ފައިސާއާ ބެހޭ އާ ގަވައިދާ ގުޅިގެން ކަންބޮޑުވުންތައް ފާޅުކޮށްފަ އެވެ. އެގޮތުން ރާއްޖޭގެ ބޭންކުތަކުން ޑޮލަރު މާރުކުރަން ލާޒިމްކޮށް ހެދި ގަވައިދުގެ ސަބަބުން ވިޔަފާރިތަކަށް ބޮޑެތި ގެއްލުންތަކެއް ވެދާނެ ކަމަށް މަޓީން ބުނެފައިވެ އެވެ.
ޓޫރިޒަމް ދާއިރާގެ ބޮޑެތި ވިޔަފާރިވެރިންގެ ތެރެއިން ޗަމްޕާ ބްރަދާސްގެ ވެރިޔާ މުހައްމަދު މޫސާ އާއި ޔުނިވާސަލްގެ ޗެއާމަން މުހައްމަދު އުމަރު މަނިކު ވެސް ވަނީ މި ގަވައިދު ސަސްޕެންޑް ކުރުމަށް އެމްއެމްއޭ އަށް އިލްތިމާސްކޮށްފަ އެވެ.
މަޖިލީހުގެ މާލިއްޔަތު ކޮމިޓީން މިއަދު ހަވީރު ހަޔެއް ޖެހުމުގެ ކުރިން ފޮރެކްސް ބިލް ދިރާސާކުރުމުގެ މަސައްކަތް ނިންމައި މަޖިލީހުގެ ތަޅުމަށް ފޮނުވަން ވަނީ ނިންމައިފަ އެވެ.
- މަޓީއާ އެކު ބޭއްވި ބައްދަލުވުން ސިއްރުކުރީ މަޓީގެ އެދުމުގެ މަތިން
- ބޭރު ފައިސާގެ ގަވައިދާ މެދު މަޓީން ކަންބޮޑުވުން ފާޅުކޮށްފި
- ޓޫރިޒަމް ދާއިރާގެ ބޮޑެތި ވިޔަފާރިވެރިން ގަވައިދު ސަސްޕެންޑް ކުރަން އެދިއްޖެ
- ފޮރެކްސް ބިލް މިއަދު ކޮމިޓީން ނިންމައި މަޖިލީހުގެ ތަޅުމަށް ފޮނުވަން ނިންމައިފި
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
