މައުލޫމާތު ލިބިފައިވާ ގޮތުގައި، ނައިންޓީ ޕްލަސްގެ ޑިސިޕްލިނަރީ ކޮމިޓީން މައްސަލަ ނިންމުމަށް ފަހު، އަޖްފާންކޮށްފައިވާ ފައުލަކީ "ވައިލަންޓް ކޮންޑަންޓް" އަށް ފެތޭ ފައުލެއް ކަމަށް ނިންމައި އެއް އަހަރު ދުވަހަށް އޭނާވަނީ ސަސްޕެންޑްކޮށްފައެވެ. އެކަން މިހާރު އޭދަފުށްޓަށްވެސްވަނީ އަންގާފައެވެ. އެއް އަހަރުގެ ސަސްޕެންޝަނުގެ އިތުރުން، 5000 ރުފިޔާއިން އެ ކުޅުންތެރިޔާ ޖޫރިމަނާކޮށްފައިވާ ކަމަށްވެސް މައުލޫމާތު ލިބިފައިވެއެވެ.
މާފުށީ މެޗުގައި އަޖްފާންވަނީ އޭރިއާ ބޭރުން މާފުށީގެ ކުޅުންތެރިޔަކަށް ނުރައްކާތެރި ފައުލެއް ކޮށްފައެވެ. މި ފައުލްއާ ގުޅިގެން އޭނާއަށް ރަތްކާޑު ދައްކައި ދަނޑުން ފޮނުވާލާފައިވެއެވެ. އެ މެޗުން މާފުށި އަތުން ނަން މަޝްހޫރު އޭދަފުށިވަނީ ދެ ލަނޑު ސުން ލަނޑުން ބަލިވެފައެވެ.
އަޖްފާން ސަސްޕެންޑް ކުރުމުގެ އިތުރުން، މާފުށީ ސަޕޯޓަރުން ދަނޑަށް އެރުމާ ގުޅިގެން އެ ޓީމާމެދުވެސް ޑިސިޕްލިނަރީ ފިޔަވަޅު އަޅާފައިވެއެވެ.
