މިއީ ފާއިތުވި އަހަރާ އަޅާބަލާއިރު 44.3 ޕަސަންޓު ދަށް އަދަދެކެވެ.
އެމްއެމްއޭގެ ހިސާބުތަކުން ދައްކާ ގޮތުގައި މި އަހަރުގެ ޖަނަވަރީން އޮކްޓޯބަރުގެ ނިޔަލަށް ގަނޑުކުރި އަދި ތާޒާ ކަޅުބިލަމަހުގެ ގޮތުގައި ބޭރުކޮށްފައިވަނީ 40.5 މިލިއަން ޑޮލަރުގެ މަހެވެ. މިއީ ނިމުނު އަހަރުގެ 87.6 މިލިއަން ޑޮލަރާ އަޅާބަލާއިރު 53.7 ޕަސަންޓު ދަށް އަދަދެކެވެ.
ޕައުޗާއި ދަޅުގައި ބަންދުކޮށްގެން މަހުގެ ބާވަތްތައް ބޭރުކުރި މިންވަރުވެސް ވަނީ ދަށްވެފައެވެ. ފާއިތުވި އަހަރު 32.4 މިލިއަން ޑޮލަރުގެ މަސް ޕައުޗާއި ދަޅުގައި ބަންދުކޮށްގެން ބޭރުކުރި އިރު، މި އަހަރު ބޭރުކުރެވިފައިވަނީ 24.8 މިލިއަން ޑޮލަރުގެ މަހެވެ.
މަސް ބޭރުކުރުމުގެ ދާއިރާގެ ތަޖުރިބާކާރުން ބުނާ ގޮތުގައި މި އަހަރުގެ ނިޔަލަށް ފާއިތުވި އަހަރު ނިމުނުއިރު މަސް ބޭރުކުރި އަދަދު ކަމަށްވާ 151.3 މިލިއަން ޑޮލަރުގެ ދެބައިކުޅަ އެއްބަޔާ އެއްވަރަށްވެސް ބޭރުކުރެވޭނެ ކަމަކަށް ނުބެލެވެ އެވެ.
- ގަނޑުކުރި އަދި ތާޒާ ކަޅުބިލަމަހުގެ އެކްސްޕޯޓު 53.7 ޕަސަންޓު ވަނީ ދަށަށް ގޮސްފަ
- ޕައުޗާއި ދަޅުގައި ބަންދުކުރި މަހުގެ އެކްސްޕޯޓު 32.4 މިލިއަން ޑޮލަރުން 24.8 މިލިއަން ޑޮލަރަށް ވަނީ ވެއްޓިފަ
