އިސްލާމިކް މިނިސްޓްރީން ބުނީ މަސްޖިދުއް ސުލްތާން މުހައްމަދު ތަކުރުފާނުލް އައުޒަމް (އިސްލާމީ މަރުކަޒު) އާއި މަސްޖިދު މަލިކު ސަލްމާންގައި އިމާމުވެ ތަރާވީހު ނަމާދު ކުރާނީ ދިވެހި ހާފިޒުން ކަމަށެވެ. އަދި މިސްކިތަކަށް ގިނަވެގެން ދެ ހާފިޒުންނަށް ފުރުސަތު ދޭނެ ކަމަށް އެ މިނިސްޓްރީން ބުންޏެވެ.
މާލޭގެ އެހެން މިސްކިތްތަކުގައި ތަރާވީހު ނަމާދު ކުރާ ހާފިޒުންނަށް ރެޔަކަށް 500 ރުފިޔާ ދޭނެ ކަމަށް އެ މިނިސްޓްރީން ބުންޏެވެ. އަދި ރަށްރަށުގެ މިސްކިތްތަކުގައިވެސް ތަރާވީހު ނަމާދު ކުރާ ހާފިޒުންނަށް ރެޔަކަށް 500 ރުފިޔާ ދޭނެ ކަމަށް އެ މިނިސްޓްރީން ބުންޏެވެ.
ތަރާވީހު ނަމާދު ކުރުމަށް ޝައުގުވެރިވާ ހާފިޒުން ހޮވާނީ ޓެސްޓެއް ބާއްވައިގެން ކަމަށާއި، އެންމެ ރަނގަޅު ހަތަރު ފަރާތެއް ހޮވާނެ ކަމަށް އެ މިނިސްޓްރީން ބުންޏެވެ. މާލޭގެ މިސްކިތްތަކަށް ކުރިމަތިލާ ފަރާތްތަކުން ޖަނަވަރީ 20 ވަނަ ދުވަހުގެ 14:00 ގެ ކުރިން ފޯމު ހުށަހަޅަން ޖެހޭނެ އެވެ.
- މާލޭގެ އެންމެ ބޮޑު ދެ މިސްކިތުގައި ތަރާވީހު ކުރާ ހާފިޒުންނަށް ރެޔަކަށް 700 ރުފިޔާ
- އެހެން މިސްކިތްތަކުގައި ތަރާވީހު ކުރާ ހާފިޒުންނަށް ރެޔަކަށް 500 ރުފިޔާ
- މިސްކިތަކަށް ގިނަވެގެން ދެ ހާފިޒުންނަށް ފުރުސަތު ދެވޭނެ
- ހާފިޒުން ހޮވާނީ ޓެސްޓެއް ބާއްވައިގެން
- މާލޭގެ މިސްކިތްތަކަށް އެދޭ ފަރާތްތަކުން ޖަނަވަރީ 20 ގެ ކުރިން ފޯމު ހުށަހަޅަންޖެހޭ
