އޮމާނުގެ ޑެޕިއުޓީ ބޮޑުމިނިސްޓަރު ސައްޔިދު އަސްއަދު ބިން ތާރިގު އަލް-ސައީދުއާ މިނިސްޓަރު ބައްދަލުކުރެއްވުން
އޮމާނުން ދިވެހިރާއްޖެއަށް ދިން އެހީތެރިކަމަށް ފޮރިން މިނިސްޓަރު ޝުކުރު އަދާކޮށްފި
ގުފްތަގް އަޖީރު
11 ޑިސެމްބަރ 2024 - 21:43:47
ފޮރިން މިނިސްޓަރު އަބްދުﷲ ކަލީލް އޮމާނަށް ކުރައްވާ ރަސްމީ ދަތުރުފުޅުގައި، އެ ގައުމުން ދިވެހިރާއްޖެއަށް ދެއްވާފައިވާ އެހީތެރިކަމަށް ޝުކުރު އަދާކުރައްވައިފި އެވެ.
Advertisement
އޮމާނުގެ ޑެޕިއުޓީ ބޮޑުމިނިސްޓަރު ސައްޔިދު އަސްއަދު ބިން ތާރިގު އަލް-ސައީދުއާ ބައްދަލުކުރެއްވުމުގައި، ފާއިތުވި އަހަރުތަކުގައި ދިވެހިރާއްޖެއަށް ކުރިމަތިވި ގޮންޖެހުންތަކުގައި އޮމާނުން ވެދެއްވި އެހީތެރިކަން ފާހަގަކުރައްވައި، އެކަމަށް ޝުކުރު އަދާކުރެއްވި އެވެ.
މި ބައްދަލުކުރެއްވުމުގައި ދެ ގައުމުގެ މަސްލަހަތު ހިމެނޭ ކަންކަމުގައި އެއްބާރުލުން އިތުރުކުރުމަށް މަޝްވަރާކުރެވުނު އެވެ. އަދި ކުރިއަށް އޮތް ތަނުގައި ދެ ގައުމުން ގުޅިގެން މަސައްކަތްކުރުމަށް އެއްބަސްވި އެވެ.
އޮމާނުގެ އިސްވެރިޔާ، ދިވެހިރާއްޖެއާއެކު އޮތް ގާތް ގުޅުން އިތުރަށް ބަދަހިކުރުމަށް މަސައްކަތްކުރައްވާނެ ކަމުގެ ޔަގީންކަން ދެއްވި އެވެ. އަދި މި ބައްދަލުކުރެއްވުމުގައި ރައީސް މުއިއްޒުގެ ތަހުނިޔާ އޮމާނުގެ އިސްވެރިންނަށް ފޮރިން މިނިސްޓަރު އަރިސްކުރެއްވި އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
