
ސަޢޫދީ އަރަބިއްޔާގެ ސަރުކާރުން ކޮންމެ އަހަރަކު ރަމަޟާން މަހަށް ރާއްޖެއަށް 50 ޓަނުގެ ކަދުރު އަންނަނީ ދެމުންނެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ އަންނަ ރޯދަމަހަށްވެސް ސައުދީ ސަރުކާރުން 50 ޓަނުގެ ކަދުރު ހަދިޔާކޮށްފައިވާކަމަށާއި އެތަކެތި ރާއްޖެ އައިސްފައިވާކަމަށެވެ. އަދި އަންނަ ރޯދަމަހުގެ ކުރިން މިފަހަރު ކަދުރު ބަހާ ނިންމާނެކަމަށްވެސް މިނިސްޓަރު ޝަހީމް ވިދާޅުވިއެވެ.
ޝަހީމް ވިދާޅުވީ މިފަހަރު މި ފަހަރު ކަދުރު ބެހުމުގައި މިސްކިތްތަކުގައި އިފްޠާރު ޕްރޮގްރާމް ހިންގަން ބޭނުންވާ ޖަމިއްޔާތަކަށްވެސް ކަދުރުން ބައެއް ދޭނެކަމަށެވެ.
ސައުދީ ހަދިޔާ ކުރާ ކަދުރު ކޮންމެ އަހަރަކުވެސް ބަހަމުން އަންނަނީ ފަގީރުންގެ ދަފުތަރުގައި ހިމެނޭ ކޮންމެ ގޭބިސީއަކަށް ޕެކެޓެއްގެ މަގުންނެވެ.. އެއަށްފަހު ބާކީވާ ކަދުރު ބަލާ އަންނަ މީހުންގެ ތަރުތީބުން ބަހައެވެ.