ads
މިއަދު ހައުސިން މިނިސްޓްރީގައި ހިފ އަލިފާން ނިއްވުމަށް ސިފައިން ހަރަކާތްތެރިވަނީ
ތިން މިނިސްޓްރީ އެނދި ހާދިސާ: އެންމެ އިސްކަމެއް ދިނީ މީހުން ސަލާމަތްކުރަން!
މާލޭގައި ހުރި ތިން މިނިސްޓްރީއެއްގައި މިއަދު ރޯވި އަލިފާނުގެ ހާދިސާގައި އެންމެ އިސްކަމެއް ދިނީ އާންމު ރައްޔިތުން ސަލާމަތްކުރުމަށް ކަމަށް ޑިފެންސް މިނިސްޓަރު މުހައްމަދު ގައްސާން މައުމޫން ވިދާޅުވެއްޖެ އެވެ.
Advertisement

މި ހާދިސާގައި ތިން މިނިސްޓްރީއަކާއި، މާލޭ ސިޓީ ކައުންސިލްގެ އިމާރާތަކަށް ގެއްލުންވި ނަމަވެސް، އެ އިމާރަތްތަކުގައި މަސައްކަތް ކުރާ އެއްވެސް މީހަކަށް އަނިޔާ ނުވެއެވެ. 

ސިފައިން ވަނީ ކައިރި ގޭތަކުގައި ތިބި މީހުން ވެސް ރައްކާތެރި ސަރަހައްދުތަކަށް ގެންގޮސްފައެވެ. 

ހައުސިން މިނިސްޓްރީ، ކޮންސްޓްރަކްޝަން މިނިސްޓްރީ އަދި އެންވަޔަރަމެންޓް މިނިސްޓްރީގައި ރޯވި އަލިފާނުގެ ހާދިސާގައި މާލޭ ސިޓީ ކައުންސިލްގެ ވައިޓަލް ރެޖިސްޓްރޭޝަން އޮފީހުގައި ވެސް އަލިފާން ރޯވެ، މުހިންމު ލިޔެކިޔުންތަކެއް ވަނީ އަނދާފައެވެ. 

ދައުލަތުގެ މީޑިއާ މެދުވެރިކުރައްވައި ޑިފެންސް މިނިސްޓަރު ވިދާޅުވީ އަލިފާނުގެ ހާދިސާގެ މައުލޫމާތު ލިބުމާ އެކު އެމްއެންޑީއެފްގެ ފަޔަރ އެންޑް ރެސްކިއު ޓީމުން ވަނީ އަވަސް ފިޔަވަޅުތަކެއް އަޅައިފައިވާކަމަށެވެ. އެގޮތުން އެންމެ ފުރަތަމަ ވެސް ދުމުގެ އަސަރުކުރި ސަރަހައްދުގެ ގޭގެއިން މީހުން ސަލާމަތްކުރުމުގެ މަސައްކަތް ކުރި އެވެ.

އެމްއެންޑީއެފްގެ އަލިފާން ނިއްވާ ހުރިހާ އާލާތްތަކާއި އިތުރު މުވައްޒަފުންނާ އެކު އަލިފާން ނިއްވުމުގެ މަސައްކަތް ކުރަމުންދާ ކަމަށާއި، އެމްއޭސީއެލްގެ ވެހިކަލްތައް ވެސް އަލިފާން ނިއްވުމަށް ބޭނުންކުރަމުންދާ ކަމަށް ޑިފެންސް މިނިސްޓަރު ވިދާޅުވި އެވެ.

މިއަދު ހައުސިން މިނިސްޓްރީއާއި ކޮންސްޓްރަކްޝަން މިނިސްޓަރީ ހިންގަމުން ގެންދިޔަ ގްރީން ބިލްޑިންގައި އަލިފާން ރޯވެފައިވަނީ  މިއަދު ހެނދުނު 7:15 ހާއިރުއެވެ. އަދި ހެންދުނު 9 ޖެހި ފަހުން އަލިފާން ކޮންޓްރޯލްވި ނަމަވެސް އިމާރާތް ވަނީ އެއްކޮށް އަނދާ ހަލާކުވެފައެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް