މި ފަހުން ރައީސް ޑރ. މުހައްމަދު މުއިއްޒު އއ. ތޮށްޑޫ އަށް ވަޑައިގެން، އެ ރަށު ރައްޔިތުންނާ ބައްދަލުކުރުމަށް ބޭއްވި ޖަލްސާގައި ފެށުމަށް ކިޔެވި ގުރުއާނުން އާޔަތެއް އުނިކޮށްފައިފައިވާ ކަމަށް ބުނެ ސޯޝަލް މީޑިއާގައި ދަނީ ބައެއް ފަރާތްތަކުން ސަރުކާރަށް ވަަރަށް ބޮދަށް ފާޑުކިޔަމުންނެވެ.
އެދުވަހެ ޖަލްސާގައި ކިޔެވީ ސޫރަތުލް ހުޖުރާތް އެވެ. އަދި އުނިކޮށްފައިވާކަމަށް ބުނަނީ އެ ސޫރަތުގެ ބައެކެވެ. އެގޮތުން އެ ސޫރަތުގެ 6 ވަަނަ އާތުގައި "ތިޔަބައިމީހުންގެ ގާތަށް ފާސިގަކު ހަބަރަކާގެން އަތުވެއްޖެނަމަ އޭގެ ދޮގު ތެދު ބަލާ ހަގީގަތް ހޯދާށެވެ" އެގޮތަށް ވާއިރު އޭގެން "ފާސިގަކު" އެބަސް އުނިކޮށްފައިވާކަމަށް ފާޑުކިޔަމުންދާ ޕޯސްޓްތަކުގައި ބުނެއެވެ.
ރައްޔިތުންގެ މަޖިލީހުގެ ކުރީގެ ބައެެއް މެންބަރުންނާއި، ނަން ހާމަނުކުރާ ބައެއް ފަރާތްތަކުން ގުރުއާން ގެ އާަޔަތުން ބައެއް އެދުވަހު އުނިކޮށްފައިވާކަމަށް ސޯޝަލް މީޑިއާގައި ވާހަަކަ ފަތުރަމުން ދިޔަަނަަމަވެސް ޕީއެސްއެމްއިން މިއަދު ނެރުނު ނޫސްބަޔާނުގައި ބުނީ އެއީ ގަސްތުގައި ކުރިމަކަމެއް ނޫން ކަަމަށް ބުނެ އެކަމަށް މައާފަށް އެދިފަ އެވެ.
ކޮންޓެންޓެއްގައި ކީރިތި ގުރުއާންގެ ބައެއް އުނިވެފައި ވާކަމަށް ޕީއެސްއެމްއަށް އެނގުމާއެކު އެކަންތައް ހިނގަން މެދުވެރިވި ސަބަބު ސީރިއަށް މައްސަލައެއް ގޮތުގައި ކުންފުނީގެ އިސްމުވައްޒަފުން ހިމެނޭ ކޮމިޓިއަކުން މިހާރު ބަލާފައިވާ ކަމަށް ޕީއެސްއެމް އިން ބުނެއެވެ.
އާޔަތުން ބައެއް އުނިވެފައިވަނީ އެއީ ކޮންޓެންޓް އެޑިޓްކުރުމުގެ ސަބަބަކުން ނޫންކަަމަށް ފާހަގަކޮށް ޕީއެސްއެމް އިން ބުނީ އެ ކޮންޓެންޓް ލައިވް ކުރަމް ފަށާފައިވަނީ ޕީއެސްއެމް ނިއުސް ގެ ހަބަރު ކޮންޓްރޯލް ރޫމުން ކަަމަށެވެ. އަދި އެއަށްފަހު އެ ސިގްނަލް، ކުންފުނީގެ މައިކޮންޓްރޯލް ރޫމަށް ބަދަލުކުރެވިފައިވާކަމަަށްވެސް ޕީއެސްއެމް އިން ބުނެއެވެ.
ޕީއެސްއެމްއިން މައުލޫމާތު ދިން ގޮތުގައި ގުރުއާނުން ބައެއް އުނިވެފައި އެވަނީ ކޮންޓްރޯލް ރޫމްގައި އެވަގުތު ތިބި މުވައްޒަފުންގެ އިހުމާލުން ކަމަށާއި އެ މުވައްޒަފުން ވަނީ މައާފަށް އެދިފައި ކަމަށް ޕީއެސްއެމްއިން ބުނެއެވެ. އަދި އޭގެއިތުރުން އެ ވަގުތު ހަަބަރު ކޮންޓްރޯލް ރޫމް، މައި ކޮންޓްރޯލް ރޫމް ގައި، ޑިއުޓީގަިއ ތިބި މުވައްޒަފުން މިހާރު ވަނީ އެމީހުން ކުރަމުން އައި މަސައްކަތުން އެކަހެރިކޮށްފައި ކަމަށްވެސް ޕީއެސްއެމްއިން ބުނެއެވެ.
ޕީއެސްއެމް ވަނީ ޓެކްނިކަލް މައްސަަލައެއްގެ ސަބަބުން ކީރިތި ގުރުއާންގެ ބައެއް އުނިވެފައި ވާތީ އެފަދަ ކަމެއް ތަކުރާރުނުވާނެގޮތެއްގެ މަތިން ކަަނކަން އިންތިޒާމް ކުރުމުން ގެންދާވާހަވެސް ބަޔާނުގައި ބުނެފައެވެ.
