ހައުސިން މިނިސްޓްރީއާ އިންފްރަސްޓަރަކްޗާ މިނިސްޓްރީން ހިންގާ އިމާރާތުގައި އަލިފާން ރޯވީ ހެނދުނު 07:15 ކަންހާއިރުއެވެ. ވަށައިގެން ޓިނު ޖަހާ ހަދާފައިވާ މި އިމާރާތުގައި ރޯވި އަލިފާންގަނޑު ޖެހިގެން ހުރި އެންވަަޔަރަމަންޓް މިނިސްޓްރީއަށްވެސް ފެތުރި އެ މިނިސްޓްރީއަށްވެސް ވަނީ ބޮޑެތި ގެއްލުންތަކެެއް ވެފައެވެ.
އަލިފާނުގެ ހާދިސާއެއްގެ ސަބަބުން މި ތިން މިނިސްޓްރީގެ މަސައްކަތް ވަނީ ވަގުތީ ގޮތުން ހުއްޓިފައެވެ.
މި އޮފީސްތަކުގެ މަސައްކަތް ދަރުބާރުގެއަށް ވަގުތީ ގޮތުން ބަދަލުކުރަން ނިންމާ އެ މަސައްކަތް ވަނީ ފަށާފައެވެ. އަދި އަންނަ އާދިއްތަ ދުވަސް ފެށެންވާއިރަށް ހިދުމަތް ދެވޭވަރަށް އޮފީސްތަކުގެ ސެޓަޕްތައް ހަދާ ނިންމާލުމަށް ދަނީ މަސައްކަތް ކުރަމުންނެވެ.
މިނިސްޓްރީގެ އަލިފާނަށްފަހު ފެންނަން ހުރި ގޮތް
އިއްޔެގެ އަލިފަނުގެ ހާދިސާގައި މި އިމާރާތްތަކާއި އިންވެގެންހުރި މާލޭ ސިޓީ ކައުންސިލްގެ ވައިޓަލް ސެކްޝަނާއި ލޭންޑް ސެކްޝަން ހިންގަމުންއައި އިމާރާތަށްވެސް ވަނީ ގެއްލުން ލިބިފައެވެ. މާލޭ ސިޓީ ކައުންސިލުން ބުނީ ވިހާ ކުދިންގެ ރަޖިސްޓްރީ ހެއްދުމުގެ ހިދުމަތް ދެމުން އައި ވައިޓަލް ސެކްޝަންގެ ހިދުމަތް މިއަދުން ފެށިގެން ދެމުން ގެންދާނީ ހުޅުމާލޭގައި ހުންނަ މާލެސިޓީ ކައުންސިލްގެ ހުޅުމާލޭގެ އޮފީހުންގައިކަމަށެވެ.
އިއްޔެ އަލިފާނުގެ ހާދިސާއާ ގުޅިގެން އެ ސަރަހައްދުގެ ހަތް ގެއަކުން 29 މީހުން ވަގުތީ ހިޔާތަކަށް ބަދަލުކުރަން ޖެހުނުކަމަށް ނޭޝަނަލް ޑިޒާސްޓާ މެނޭޖްމަންޓް އޮތޯރިޓީން ވަނީ ބުނެފައެވެ.
