ޑރ. އިރުތިޝާމްގެ ޝަފީރުކަމުގެ ފަތްކޮޅު ރަސްގެފާނު ޗާލްސަށްް އެރުވީ ބަކިންހަމް ޕެލްސްގައި ބޭއްވި ރަސްމިއްޔާތެއްގައެވެ.
މި ރަަސްމިއްޔާތުގައި ވާހަކަ ދައްކަވަމުން ރާއްޖެއާއި އިނގިރޭސިވިލާތާ ދެމެދު ޒަމާނުއްސުރެ އޮތް އެކުވެރިކަމާއި ގާތްގުޅުން އިތުރަށް ބަދަހިކުރެއްވުމަށް ބޭނުންފުޅުވާކަމަށް ރަސްގެފާނު ވިދާޅުވިކަމަށް ފޮރިން މިނިސްޓްރީން ބުނެއެވެ.
ފަތްކޮޅު އެރުވުމަށްފަހު ވާހަކަ ދައްކަވަމުން ޑރ. އިރުތިޝާމް ރައީސް ޑރ. މުހައްމަދު މުއިއްޒުގެ ފަރާތްޕުޅުން ރަސްގެފާނަށް ތަހުނިޔާއާއި ހެޔޮއެދުންތައް އަރިސްކުރައްވިކަމަށްވެސް ފޮރިން މިނިސްޓްރީން ބުނެއެވެ. އަދި ރާއްޖެއާއި އިނގިރޭސިވިލާތާ ދެ ގައުމުގެ މަސްލަހަތު ހިމެނޭ ދާއިރާތަކުން ގާތުން މަސައްކަތްކުރައްވާނެކަމުގެ ޔަގީންކަން ރަސްގެފާނަށް ސަފީރު ޑރ. އިރުތިޝާމު އެރުއްވިކަމަށްވެސް ފޮރިން މިނިސްޓްރީން ބުނެއެވެ.
އިރުތިޝާމްގެ އަރިހުގައި މި ރަސްމިއްޔާތުގައި، އިނގިރޭސިވިލާތުގައި ހުންނަ ރާއްޖޭގެ ސަފީރުގެ ނައިބު އަހްމަދު މުހައްްމަދާއި ޑިފެންސް އެޓާޝޭ ކާނަލް ހުސެއިން ފައިރޫޝް، ފަސްޓް ސެކްރެޓަރީ މަރިޔަމް އާސިފް އަދި ތާޑް ސެކްރެޓަރީ އާމިނަތު ސަމްރާ ބައިވެރިވިއެވެ.
