ޔުނައިޓެޑުގެ އާ ކޯޗާއެކު ރަނގަޅު ޓީމެއް ބިނާކުރަން ކުރާ މަސައްކަތުގެ ތެރެއިން އަންނަ ޓްރާންސްފާގައި ގިނަ ކުޅުންތެރިންތަކެއް ވިއްކާލާނެ ކަމަށް ބައެއް ރިޕޯޓްތައް ބުނެއެވެ. ރިޕޯޓްތައް ބުނާ ގޮތުން ޓީމުގެ މެނޭޖްމެންޓުން ބޭނުންވަނީ އާ ކުޅުންތެރިން ގެނައުމުގެ ކުރިން މިހާރު ތިބި ކުޅުންތެރިންގެ ތެރެއިން ކޯޗު ހިތްހަމަ ޖެހޭ ފެންވަރަށް ޕާފޯމް ނުކުރެވޭ ކުޅުންތެރިން ވިއްކާލާށެވެ.
ރިޕޯޓްތައް ބުނާ ގޮތުން މިހާރުގެ ސްކޮޑުގައި ތިބި ކުޅުންތެރިންގެ ތެރެއިން ކޯޗު ހިތްހަމަ ޖެހެނީ އަށެއް ނުވަތަ ނުވަ ކުޅުންތެރިންނާމެދުއެވެ. އޭގެ ތެރޭގައި ގިނައިން ތިބީ ޒުވާން ކުޅުންތެރިންނެވެ.
މެންޗެސްޓަރ ޔުނައިޓެޑުން މިހާރު ބޭނުންވަނީ އެ ކްލަބުގެ ފޯވާޑް މާކަސް ރަޝްފޯޑް އަދި އާޖެންޓީނާގެ ޑިފެންޑަރު ލިސެންދްރޯ މާޓިނޭޒްވެސް ވިއްކާލާށެވެ. 40 މިލިއަން ޑޮލަރުގެ ހުށަހެޅުމެއް ލިބިއްޖެނަމަ ޓްރާންސްފާގެ ފުރަތަމަ ދުވަހުވެސް ރަޝްފޯޑް ވިއްކާލާނެ ކަމަށް ރިޕޯޓްތައް ބުނެއެވެ.
