ސިނަމާލެ ސަރަހައްދުގައި ޕާކުކޮށްފައި އޮތް ކާރެއްގައި ރޯކޮށްލި މައްސަލައިގެ ތުހުމަތަށް ހައްޔަރުކުރި ދެ މީހުން ތަހުގީގުގެ ބޭނުމަށް 15 ދުވަހުގެ މުއްދަތަށް ބަންދު ކުރުމަށް ފަހު، އެ މުއްދަތު ހަމަވެގެން އިތުރު 15 ދުވަހަށް ދެ މީހުންގެ ބަންދުވަނީ އިތުރުކޮށްފައެވެ. ކާރު ރޯކޮށްލި ކަމުގެ ތުހުމަތުހައި މި ދެ މީހުން ހައްޔަރުކުރީވެސް ކޯޓު އަމުރަކަށެވެ.
ބުރުޒު މަގުގައި ހުންނަ ސިނަމާލެ 1 ޕާކިން ޒޯނުގައި އޮތް ކާރެއްގައި އަލިފާން ރޯކޮށްލީ މިދިޔަ މަހު ފަހުކޮޅުއެވެ. އެ މައްސަލާގައި ހައްޔަރުކުރީ މ. އަރާރަތްކުރި، ހާލިދު މަހްމޫދު 35، އާއި އދ. މާމިގިލީ، ބްލޫވިންޑް ހަސަން ނަސީމް 31، އެވެ.
މި މީހުންގެ ބަންދު އަމުރު ރިޕޯޓުން އެނގޭ ގޮތުގައި ކާރުގައި ރޯކޮށްލާފައިވަނީ ދެ ބައެއްގެ މެދުގައި ހިނގި ދެބަސްވުމަކާ ގުޅިގެންނެވެ. ކާރުގައި ރޯކޮށްލުމުން ބޭނުން ނުކުރެވޭ ވަރަށް އެ ކާރުވަނީ އަނދާފައެވެ.
