އެމަނިކުފާނު މިހެން ވިދާޅުވީ އަރިއަތޮޅު ދެކުނުބުރީ މަހިބަދޫގެ ރައްޔިތުންނާ ބައްދަލުކުރައްވާ ދެއްކެވި ވާހަކަފުޅުގަ އެވެ.
ރައީސް ވިދާޅުވީ، ރައްޔިތުން ބޭނުންވާ ގޮތަށް އާބަން ސެންޓަރުގެ ކޮންސެޕްޓު ފައިނަލްކޮށް، އެތަނުގެ ބިންހިއްކުމާއި އެނޫން ކަންކަމުގެ އަމަލީ މަސައްކަތް އަންނަ އަހަރު ފެށޭނެ ކަމަށެވެ.
މަހިބަދޫއަކީ ސަރުކާރުން ކަނޑައެޅި އާބަންސެންޓަރުތަކުގެ ތެރޭގައި ހިމެނޭ މުހިންމު ރަށެކެވެ.
އެގޮތުން، އާބަން ސެންޓަރުތައް ތަރައްގީ ކުރަނީ އެންމެ މަތީ ފަންތީގެ ހުރިހާ ކަމެެއް ގާއިމުކުރުމުގެ ވިސްނުމުގައި ކަމަށާއި އެއީ ދުރުރާސްތާގެ ތަރައްގީއަށް ބައްޓަން ކުރާނަމަ ކުރަން ޖެހޭ ކަމެއް ކަމަށް ރައީސް ވިދާޅުވި އެވެ.
މަހިބަދޫގެ މިހާރުގެ ބިމުގައި 100 ހައުސިން ޔުނިޓް ތަރައްގީކުރުމަކީ އެމަނިކުފާނުގެ ވައުދެއްކަން ހަނދާންކުރައްވަމުން ރައީސް ވިދާޅުވީ އެ މަޝްރޫއުގެ އަމަލީ މަސައްކަތް އަންނަ އަހަރު ފަށްޓަވައި ވީހާވެސް ބާރު ދުވެލީގައި ނިންމުމަށް އިސްކަންދެއްވާނެކަމަށެވެ.
މާފަރުފަޅު ހިއްކުމާ ހަމައަށްވެސް މިހާރުގެ ބިމުގައި ލޭންޑު ޔޫސްޕްލޭންގައި ހިމެނޭ އެހެނިހެން ކަންކަންވެސް ފުރިހަމަކޮށްދެއްވާނެކަމަށެވެ. އެގޮތުން ކުޅިވަރުގެ ވަސީލަތްތައް ގާއިމްކުރުމާއި އިސްލާމިކް ސެންޓަރު ތަރައްގީކުރުމާއި ހޮސްޕިޓަލު އިތުރަށް ތަރައްގީކުރުމުގެ މަސައްކަތްތައްވެސް ކުރިއަށް ގެންދަވާނެކަމުގެ ޔަގީންކަންވެސް ރައީސް ޑރ. މުހައްމަދު މުއިއްޒު ދެއްވި އެވެ.
