ދައުލަތުގެ ބަޖެޓުން ހަރަދުކޮށްގެން މިލަންދޫގެ މަގުތަކުގައި ތާރު އަޅާ ޒަމާނީ ފެންވަރަށް ތަރައްގީކުރަން މިދިޔަ ސަރުކާރުން އާރް.ޑީ.ސީ އާ ހަވާލުކުރެއްވީ 2021 ވަނަ އަހަރުއެވެ. މި މަޝްރޫއުގެ އަމަލީ މަސައްކަތް ފެށި އެ އަހަރުގެ އޮގަސްޓް 13 ގައެވެ.
މި މަޝްރޫއުގެ އަގަކީ 156.4 މިލިޔަން ރުފިޔާއެވެ.
ށ. މިލަންދޫގައި ތާރު އަޅާ ޒަމާނީ ފެންވަރަށް ތަރައްގީކޮށްފައިވާ މަގެއް
އާރުޑީސީން ބުނީ ށ. މިލަންދޫގެ މަގުތައް ޒަމާނީ ފެން ވަރަށް ތަރައްގީ ކުރުމުގެ މަޝްރޫއުގެ އަމަލީ މަސައްކަތް މިހާރު ވަނީ ނިމިފައިވާކަމަށެވެ. އަދި މިހާރު ކުރިއަށްދަނީ އިމާރާތް ކުރުމާއި ބިނާރާއި ބެހޭ ވުޒާރާއިން މި މަޝްރޫއުގެ "ފައިނަލް އިންސްޕެކްޝަން" ހެދުމުގެ މަރުޙަލާކަމަށްވެސް އާރުޑީސީން ބުނެއެވެ.
މިލަންދޫ މަގުތައް ޒަމާނީ ފެންވަރަށް ހެދުމުގެ މަޝްރޫއުގެ ދަށުން އެރަށުގެ ބޮޑު 8 މަގެެއްގައި ތާރުވަނީ އަޅާފައެވެ. އެއީ 6.15 ކިލޯ މީޓަރުގެ ސަރަހައްދެކެވެ.
