Advertisement

 ފުވައްމުލަކާ ތިމަތަރުފީ އަދި ގުރައިދޫ ހިމެނުނު މި ގްރޫޕްގައި ކުޅުނު ފުރަތަމަ މެޗުން ފުވައްމުލަކާއި ތިމަރަފުށި ވަނީ 1-1 އިން އެއްވަރުވެފަ އެވެ. ދެ ވަނަ މެޗުން ތިމަރަފުށި އަތުން 1-0 އިން މޮޅުވެ، ރޭގެ މެޗަށް ނުކުތްއިރު ވެސް ގުރައިދޫ އަށް އޮތީ ކުއާޓާ ފައިނަލުގެ ޖާގަ ލިބިފަ އެވެ. 

ގުރައިދޫން ފުވައްމުލައް 1-0 ބަލިކޮށް ގްރޫޕްގެ އެއް ވަނަ ކަށަވަރުކުރިއިރު، މި ގްރޫޕުގެ ދެ ވަނަ ޓީމު ކަނޑަ އެޅީ މިއަދު ހަވީރު ދަނޑުގައި ބޭއްވި ގުރުއަތުލުމަކުންނެވެ. ގުރުއަތުލާން ޖެހުނީ، ފުވައްމުލަކާއި ތިމަރަފުށި ހުރިހާ ގޮތަކުން އެއްވަރުވުމުންނެވެ. 

މިއާ އެކު، ގޯލްޑް ކަޕްގެ ކުއާޓާ ފައިނަލްގެ އަށް ޖާގައިގެ ތެރެއިން، ފަސް ޖާގައެއް މި ވަނީ ޔަގީންވެފަ އެވެ. އެއީ، ފުވައްމުލަކުގެ އިތުރުން ޅ. ނައިފަރު، ކ. ގުރައިދޫ، ކ. މާފުށި އަދި ބ. އޭދަފުށްޓެވެ.