އެޗްޕީއޭއިން މައުލޫމާތު ދޭގޮތުގައި ޑެންގީހުން ޖެހިގެން އޮކްޓޯބަރު މަހު 126 ރިޕޯޓްކޮށްފައިވާއިރު ނޮވެމްބަރުގައި 140 ކޭސް ރިޕޯޓްކޯށްފައިވާކަމަށް ބުނެއެވެ. އަދި ޑެންގީ ހުން ޖެހިގެން ރިޕޯޓް ކުރެވުނު އަދަދު އިތުރުވެފައިވާއިރު ޑެންގީ ފަދަ މަދިރީގެ ޒަރިއްޔާއިން ފެތުރޭ ބަލިތައް މަދުކުރުމަށާއި ބަލިތަކުން ރައްކާތެރިވުމަށް ސަމާލުކަން ދިނުމަކީ މުހިއްމު ކަމެއް ކަން އެ އިދާރާއިން ފާހަަގކުރެއެވެ.
ޑެންގީހުމުން ރައްކާތެރިވުމުގެ ގޮތުން ނިވާކޮށް ހެދުން އެޅުމާއި، މަދިރި ލޯޝަން އަދި ސްޕްރޭ ބޭނުން ކުރުމާއި ، ގޮތި ތެރެއަށް ކުނި ނާޅާ ފެން ހަރުލާތަންތައް ނައްތާލުމަށް އެޗްޕީއޭއިން އިލްތިމާސްކުރެއެވެ. އަދި ގޭގައި ހުރެގެން ޑެންގީ ހުމަށް ފަރުވާ ދޭނަަމަ ދިޔާ ތަކެއްޗާއި ލޮނުޕެެކެޓް ގިނަގިނައިން ބޭނުން ކުރުމާއި، ހުން މަޑު ކުރުމާއި ގައިގައި ރިއްސާނަމަ ޕެރެސެޓަމޯލް ބޭނުން ކުރުން މުހިއްމު ކަމަށް އެޗްޕީއޭއިން ބުނެއެވެ. އަދި މާބޮޑަށް ވަރުދެރަވާނަަމަ ޑޮކްޓަރުގެ ލަފާ ހޯދުމަށް އަވަސްވެގަތުމަށް އެޗްޕީއޭއިން އެދެއެވެ.
އޮކްޓޯބަރު ބޭރަށް ހިންގުމުގެ 3164 ކޭސް ރިޕޯޓްކުރެވުނު ނަމަވެސް އެއަދަދު ނޮވެމްބަރު މަހުގައި އިތުރުވެފައިވާކަން އެޗްޕީއޭއިން ފާހަގަކުރެއެވެ. އެގޮތުން ނޮވެމްބަރު މަހު ބޭރަށް ހިންގުމުގެ 3635 ކޭސް ރިޕޯތްކޮށްފައިވާކަން އެޗްޕީއޭއިން ފާހަގަކުރެ އެވެ.
ބޭރަށް ހިންގުމުގެ ބަލިން ރައްކާތެރިވުމުގެ ގޮތުން ކެއުމުގެ ކުރިން އަދި ފާހަނަ ކުރުމަށް ފަހު ސައިބޯނި ލައިގެން އަތްދޮވުމާއި، ކާބޯތަކެތި ބަހައްޓާ، ތައްޔާރުކުރާތަން ސާފުކޮށް ބެހެއްޓުމާއި ، ކެއްކުމަށް އަދި ބުއިމަށް ބޭނުން ކުރާ ފެނަކީ މިނެރަލް ވޯޓާ ނުވަަތަ ކެއްކި ފެނަށް ވުން މުހިއްމު ކަމުގައި އެޗްޕއިން ބުނެ އެވެ.
ޑެންގީއާއި ބޭރަށް ހިންގުމުގެ އިތުރުން އަރަދަފުސް ރޯގާޖެހިގެން ނޮވެމްބަރު މަހު ރިޕޯޓްކުރެވުނު އަދަދު 40،504 އަށް އަރާފައިވާ ކަމަށް އެޗްޕީއޭއިން ބުނެ އެވެ، އެއީ ގާތްގަނޑަކަށް އޮކްޓޯބަރު މަހާ އަޅާ ކިޔަންޏާ 2 ގިނަ އިތުރު އަދެއްކެވެ. އެ ބަލި ޖެހިގެން އޮކްޓޯބަރު މަހު ރިޕޯޓްކޮށްފައިވަނީ 29،515 މީހުންކަަމަށް އެޗްޕީއޭއިން ބުނެ އެވެ.
