ސިޓީގެ ދަނޑުގައި ރޭ ކުޅުނު މި މެޗުން ޔުނައިޓެޑު މޮޅުވީ ދެ ލަނޑު އެއް ލަނޑުންނެވެ. މި މެޗުން ބަލިވުމާއެކު، ސިޓީ މި ވަނީ އެންމެ ފަހުން ކުޅުނު 11 މެޗުގެ ތެރެއިން އަށް މެޗުން ބަލިވެފަ އެވެ.
އަމިއްލަ ދަނޑުގައި ކުޅުނު ސިޓީން ކުޅުނު މި މެޗުގައި އެ ޓީމަށް ލީޑު ނަގައިދިނީ ފުރަތަމަ ހާފުގައި ޖޮސްކޯ ގްވާޑިއޯލް ޖެހި ލަނޑުންނެވެ. ޔުނައިޓެޑުން އެއްވަރު ކުރީ މެޗު ނިމެން ދެތިން މިނިޓަށްވެފައި ހުއްޓާ ލިބުނު ޕެނަލްޓީއަކުން ކެޕްޓަން ބުރޫނޯ ފެނާންޑޭސްއެވެ. އަދި ޔުނައިޓެޑު މޮޅުވި ލަނޑު އިތުރު ވަގުތުގައި ޖެހީ އަމަދު ޑިއާލޯއެވެ.
މި މެޗުން ބަލިވި ސިޓީ މި ވަގުތު ފަސް ވަނައިގައި އޮތީ 16 މެޗުން 27 ޕޮއިންޓާ އެކު އެވެ. މި މޮޅާ އެކު، ޔުނައިޓެޑް އޮތީ، 16 މެޗުން 22 ޕޮއިންޓާ އެކު، 13 ވަނައިގަ އެވެ. ލީގުގެ އެއް ވަނައިގައި އޮތް ލިވަޕޫލަށް 15 މެޗުން 36 ޕޮއިންޓް ލިބިފައިވާއިރު، ޗެލްސީން ވަނީ 16 މެޗުން 34 ޕޮއިންޓް ހޯދައިފަ އެވެ. ތިން ވަނައިގައި އޮތް އާސެނަލަށް 16 މެޗުން 30 ޕޮއިންޓެވެ.
