
މީރާ އޮފީސް
ޓޫރިޒަމް ޖީއެސްޓީ އަށް އަންނަ ބަދަލަށް ތައްޔާރުވުމަށް މީރާއިން އެދިއްޖެ
ގުފްތަގް އަޖީރު
16 ޑިސެމްބަރ 2024 - 10:53:33
ޓޫރިޒަމް ދާއިރާގެ ޖީއެސްޓީ އަށް އަންނަ ބަދަލާ ގުޅިގެން، އެކަމަށް ދުރާލާ ތައްޔާރުވުމަށް މީރާއިން ވަނީ އިލްތިމާސްކޮށްފަ އެވެ.
މި ބަދަލު އަންނަނީ 2025 ވަނަ އަހަރުގެ ޖުލައި 1 އިން ފެށިގެންނެވެ.
މީރާއިން ބުނީ މިހާރު 16 ޕަސަންޓުގައި އޮންނަ ޓޫރިޒަމް ދާއިރާގެ ޖީއެސްޓީ 17 ޕަސަންޓަށް ބަދަލުވާނެ ކަމަށެވެ. އަދި މި ބަދަލާ އެކު ސިސްޓަމްތަކަށް ގެންނަންޖެހޭ ބަދަލުތައް ގެނައުމަށާއި، އަގުތަކަށް އަންނާނެ ބަދަލުތަކަށް ތައްޔާރުވުމަށް ވަގުތު އޮއްވާ މަސައްކަތް ފެށުމަށް ވަނީ އެދިފަ އެވެ.
24 ގަޑިއިރު ހިދުމަތްދޭ ތަންތަނުން 2025 ޖުލައި 1 ގެ 00:00 ގެ ކުރިން ދޭ ހިދުމަތްތަކަށް ޖީއެސްޓީ ނަގަންވާނީ 16 ޕަސަންޓުގެ ރޭޓުންނެވެ. އަދި އޭގެ ފަހުން ދޭ ހިދުމަތްތަކަށް ޖީއެސްޓީ ނަގަންވާނީ 17 ޕަސަންޓުގެ ރޭޓުންނެވެ.
މި ބަދަލު އަންނަނީ މުދަލާއި ހިދުމަތުގެ އަގުން ޓެކްސް ނެގުމުގެ ގާނޫނަށް ގެނައި ހަތްވަނަ އިސްލާހާ ގުޅިގެންނެވެ.
- ޓޫރިޒަމް ޖީއެސްޓީ 16 ޕަސަންޓުން 17 ޕަސަންޓަށް ބަދަލުވަނީ
- ބަދަލު އަންނަނީ 2025 ޖުލައި 1 އިން ފެށިގެން
- ސިސްޓަމްތަކަށް ބަދަލު ގެނައުމަށް މީރާއިން އިލްތިމާސްކޮށްފި
- 24 ގަޑިއިރު ހިދުމަތްދޭ ތަންތަނަށް ވަކި އުސޫލުތަކެއް ކަނޑައަޅައިފި
- މި ބަދަލު އަންނަނީ ގާނޫނަށް ގެނައި އިސްލާހަކާ ގުޅިގެން
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް