ފުވައްމުލަަކަށް "ބެސްޓް ޝާކް ޑައިވިން ޑެސްޓިނޭޝަން" ގެ އެވޯޑް ލިބިފައި މިވަނީ ހޮންކޮންގް ގައި ބޭއްވި "ޑައިވިން ރިސޯޓް އެންޑް ޓްރެވަލް ޝޯވް" ގައެވެ.
ޓޫރިޒަމް މިނިސްޓަރު އިބްރާހީމް ފައިސަލް އެކްސްގައި ކުރެއްވި ޕޯސްޓެއްގައި ވިދާޅުވީ ޝާކް ޑައިވިން އަށް އެންމެ މޮޅު މަންޒިލަކަށް ފުވައްމުލަކު ހޮވުނީތީ އުފާކުރާކަމަށެވެ.
މިނިސްޓާ ވިދާޅުވިގޮތުގައި މި އެވޯޑަކީ ފުވައްމުލަކުގެ އަޖައިބުކުރުވަނިވި ކަނޑުގެ ދިރުންތަކާއި އެރަށަށް މީހުން ޝައުގުވެރިވާކަމުގެ ހެއްކެއް ކަމަށެވެ. އަދި މި އެވޯޑަކީ ފުވައްމުލަކުގެ އިތުރުން މުޅި ރާއްޖެއަށްވެސް ލިބޭ ފަހުރެއް ކަމުގައި މިނިސްޓާ ފާހަގަކުރެއްވިއެވެ.
ފަތުރުވެރިކަމުގެ ދާއިރާއިން އެކި ގައުމުތަކުގެ މައިދާން ތަކުގައި ރާއްޖެއަށް ދަނީ ޝަރަފުވެރި އެވޯޑްތައް ލިބެމުންނެވެ. އެގޮތުން މިފަހުން ވަނީ ވޯލްޑް ޓްރެވަލް އެވޯޑްސްގައި ދެވޭ އެންމެ ޝަރަފުވެރި އެއް އެވޯޑެއް ރާއްޖެއަށް ލިބިފައެވެ. ރާްޖެއަށް ލިބުނީ "ވޯލްޑްސް ލީޑިން ޑެސްޓިނޭޝަން" އެވޯޑް އެވެ.
މިއިީ އެ އެވޯޑް ރާއްޖެއަށް ވިދިވިދިގެން ލިބުނު 5 ވަަނަ ފަހަރެވެ.
ވޯލްޑު ޓުރެވެލް އެވޯޑްސްގައި ރާއްޖެ އިން ވަނީ އިތުރު އެވޯޑުތަކެއް ވެސް ހާސިލުކޮށްފަ އެވެ. އެގޮތުން ވޯލްޑު ގްރީން ޑެސްޓިނޭޝަން އެވޯޑު ރާއްޖެ އަށް ވަނީ ލިބިފަ އެވެ. މިއީ މި އެވޯޑު ރާއްޖެ އަށް ލިބުނު ފުރަތަމަ ފަހަރެވެ.
