މިއީ އޮކްޓޫބަރު މަހާ އަޅާބަލާއިރު 10،000 އަށްވުރެ ގިނަ މީހުން އިތުރު އަދަދެކެވެ.
އެޗްޕީއޭ އިން ބުނީ މިދިޔަ އަހަރުގެ ނޮވެންބަރު މަހާ އަޅާބަލާއިރުވެސް މިއަހަރުގެ ނޮވެންބަރު މަހު އަރިދަފުސް ރޯގާ ޖެހުނު މީހުންގެ އަދަދު އިތުރު ކަމަށެވެ. މިދިޔަ އަހަރުގެ ނޮވެންބަރު މަހު އަރިދަފުސް ރޯގާ ޖެހިގެން ރިޕޯޓުކޮށްފައިވަނީ 37،028 މީހުންނެވެ.
އަރިދަފުސް ރޯގާގެ އިތުރުން އިންފްލުއެންޒާ އަދި ޑެންގީ ހުން ޖެހޭ މީހުންގެ އަދަދުވެސް އިތުރުވެފައިވާ ކަމަށް އެޗްޕީއޭ އިން ބުންޏެވެ. އެގޮތުން މިއަހަރުގެ މިހާތަނަށް 2،375 މީހުން އިންފްލުއެންޒާއަށް ޓެސްޓުކުރިއިރު 476 މީހަކު ޕޮޒިޓިވްވެފައިވެއެވެ. އަދި ޑެންގީ ހުން ޖެހިގެން ނޮވެންބަރު މަހު 140 މީހުން ރިޕޯޓުކޮށްފައިވެއެވެ.
އާންމު ބަލިތައް ފެތުރޭ މިންވަރު އިތުރުވަމުން އަންނާތީ، ބަލިތަކުން ރައްކާތެރިވުމަށް އަޅަންޖެހޭ ފިޔަވަޅުތައް އެޅުމަށް އެޗްޕީއޭ އިން ވަނީ އާންމުންނަށް އިލްތިމާސްކޮށްފައެވެ.
