އާޓިފިޝަލް ބީޗު ސަރަހައްދުގައި މިރޭ ބޭއްވި އިހުތިޖާޖުގައި ބައިވެރިން ވަނީ އެ އާއިލާއަށް ރާއްޖޭގައި ދިރިއުޅުމުގެ ހާއްސަ ހުއްދައެއް ދިނުމަށް ގޮވާލާފަ އެވެ. އަދި މުސްލިމުންނަށް ވާތީ އެ އާއިލާއަށް ހިމާޔަތް ދިނުމަށް ވެސް އެދިފައިވެ އެވެ.
އިމިގްރޭޝަންގެ ކޮންޓްރޯލާ ޖެނެރަލް މުހައްމަދު ޝައްމާން ވަހީދު ވިދާޅުވި ގޮތުގައި މި އާއިލާ ރާއްޖޭގައި އުޅެމުން އަންނަނީ އިމިގްރޭޝަން ގާނޫނާ ހިލާފަށެވެ. އަދި މި މައްސަލަ އެނގުނީ މިދިޔަ ޖުލައި މަހު ކަމަށާއި، އެ އާއިލާގެ ޕާސްޕޯޓުތަކުގެ މުއްދަތު ވަނީ ހަމަވެފައި ކަމަށް އޭނާ ވިދާޅުވި އެވެ.
ތ. ވޭމަންޑޫގައި 12 އަހަރު ވަންދެން ދިރިއުޅެމުން އަންނަ މި އާއިލާގައި ހިމެނެނީ ދެ މަފިރިންނާއި އެ މީހުންގެ ކުދިންނެވެ. އިމިގްރޭޝަނުން ބުނީ އެ މީހުން ފުރުވާލުމަށް ބޭނުންވާ ޓްރެވަލް ޑޮކިއުމަންޓު ހޯދުމުގެ މަސައްކަތް ފޮރިން މިނިސްޓްރީއާ ގުޅިގެން ކުރަމުންދާ ކަމަށެވެ.
