އެފްރިކާގެ މައި ފުޓްބޯޅަ ޖަމިއްޔާ، ކޮންފެޑެރޭޝަން އޮފް އެފްރިކަން ފުޓްބޯލް (ކާފް) އިން ހޮވި އަހަރުގެ އެންމެ މޮޅު ކުޅުންތެރިޔާގެ މަގާމު އަޑެމޯލާ ލުކްމަން ހޯދީ މޮރޮކޯގެ އަޝްރަފް ހަކީމީ، އައިވަރީ ކޯސްޓްގެ ސިމޯން އަޑިންގްރާ، ގިނީގެ ސޭހޫ ގިރާސީ އަދި ދެކުނު އެފްރިކާގެ ރޮންވެން ވިލިއަމްސްއާ ވާދަކޮށެވެ.
އުމުރުން 27 އަހަރުގެ ލުކްމަންވަނީ އެޓަލަންޓާއާ އެކު މިދިޔަ ސީޒަންގައި ޔޫރޮޕާ ލީގު ހޯދުމުގެ އިތުރުން ނައިޖީރިއާއާ އެކު، އެފްރިކަން ކަޕް އޮފް ނޭޝަންސްގެ ފައިނަލް ކުޅެފައެވެ.
ލުކްމަން މި ފަހަރު މަގާމު ހޯދުމާއެކު ނައިޖީރިއާގެ ކުޅުންތެރިންނަށް ޖެހިޖެހިގެން ދެ ވަނަ ފަހަރަށް މި ވަނީ އެފްރިކާގެ މޮޅު ކުޅުންތެރިޔާގެ މަގާމު ލިބިފަ އެވެ. މިދިޔަ އަހަރުގެ މޮޅު ކުޅުންތެރިއަކީ ނަޕޯލީ އަށް މިދިޔަ ސީޒަނުގައި ކުޅުމަށް ފަހު މި ވަގުތު ލޯން އެއްބަސްވުމެއްގެ ދަށުން ގަލަތަސަރާއި އަށް ކުޅޭ ފޯވާޑް، ވިކްޓަ އޮސިމެން އެވެ.
