
މި އިންޒާރުތައް ދީފައިވަނީ އިމިގްރޭޝަން ގާނޫނާ ގުޅޭ ގޮތުން އޭނާ ކުރެއްވި ޕޯސްޓަކާ ގުޅިގެންނެވެ.
މުހުތާޒު އެކްސްގައި ކުރެއްވި ޕޯސްޓުގައި ވިދާޅުވެފައިވަނީ އިމިގްރޭޝަން ގާނޫނު އެކުލަވާލާފައިވަނީ ރާއްޖޭގެ ދާހިލީ ހަމަޖެހުމާއި ދިވެހިންގެ މަސްލަހަތަށް އިސްކަން ދީގެން ކަމަށެވެ. އަދި ހިޖުރަކުރާ މީހުންނަށް ރާއްޖޭގައި ރައްކާތެރިކަން ދިނުމަށް އެ ގާނޫނުގައި ހުއްދަ ކޮށްފައި ނުވާ ކަމަށް ވެސް ވިދާޅުވި އެވެ.
"ޓޮނީ މޮންޓަނާ" ނަމަކަށް ކިޔާ އެކައުންޓަކުން މުހުތާޒަށް އަމާޒުކޮށް ހަޑިހުތުރު ބަހުން ވާހަކަ ދައްކައި، އިންޒާރު ދީފައިވެ އެވެ. އަދި އިތުރު އެކައުންޓުތަކަކުން ވެސް މުހުތާޒަށް އަމާޒުކޮށް ލޭ އޮހޮރުވާލަން ވެސް ފަސްނުޖެހޭނެ ކަމަށް ބުނެ އިންޒާރު ދީފައިވެ އެވެ.
މި އިންޒާރުތައް ދީފައިވަނީ ތ. ވޭމަންޑޫގައި ވިސާ ނެތި 12 އަހަރު ވަންދެން ދިރިއުޅެމުން އަންނަ ފްރާންސް އާއިލާއެއްގެ މައްސަލައާ ގުޅިގެން މުހުތާޒު ކުރެއްވި ޕޯސްޓަކާ ގުޅިގެންނެވެ. އިމިގްރޭޝަނުން ބުނީ އެ އާއިލާ ރާއްޖެއިން ފުރުވާލުމުގެ މަސައްކަތް ކުރަމުންދާ ކަމަށެވެ.