ކަސްޓަމުން އަތުލައިގަނެފައިވާ މަސްތުވާތަކެތި: ފައިލް ފޮޓޯ
މަސްތުވާތަކެތީގެ މައްސަލައެއްގައި އުމުރަށް ޖަލަށްލި މީހެއްގެ ހުކުމް ބާތިލުކޮށްފި
ގުފްތަގް އަޖީރު
17 ޑިސެމްބަރ 2024 - 17:44:27
ދިރުވާލައިގެން މަސްތުވާތަކެތި އެތެރެކުރި މައްސަލައެއްގައި އުމުރު ދުވަހަށް ޖަލަށްލުމަށް ކްރިމިނަލް ކޯޓުން ކޮށްފައިވާ ހުކުމް ހައި ކޯޓުން ބާތިލުކޮށްފި އެވެ.
Advertisement
ހައި ކޯޓުން އިއްޔެ އިއްވި ހުކުމުގައި ވަނީ އަދި އެ މައްސަލަ އަލުން ބެލުމަށް ވެސް ވަނީ އަމުރު ވެސް ކޮށްފަ އެވެ. މައްސަލައިގައި ފެނުނު މަސްތުވާތަކެތި ތަހުލީލުކުރި ފުލުހުންގެ އޮފިސަރު ހެކިވެރިއެއްގެ ގޮތުގައި ހާޒިރު ނުކުރަން ކްރިމިނަލް ކޯޓުން ނިންމި ނިންމުމަކީ ރަނގަޅު އަސާސްތަކެއްގެ މައްޗަށް ބިނާކޮށް ނިންމި ނިންމުމެއް ނޫން ކަމަށެވެ.
މި މައްސަލައިގައި ދައުވާ އުފުލިފައިވަނީ ގއ. ވިލިނގިލީ، ތިންމާ، އަހުމަދު ޝާފިއުގެ މައްޗަށެވެ. އޭނާ 2013 ވަނަ އަހަރު ސްރީ ލަންކާއިން ރާއްޖެ އައިއިރު ދިރުވާލައިގެން 76 ގްރާމްގެ މަސްތުވާތަކެތި އެތެރެކުރަން އުޅުނު ކަމަށް ތުހުމަތު ކުރެވުނެވެ.
ހައި ކޯޓުގެ ތިން ފަނޑިޔާރުންގެ އިއްތިފާގުން ނިންމީ މަސްތުވާތަކެތި ތަހުލީލު ކުރި ފުލުސް މީހާ ހާޒިރުކޮށް، ރިޕޯޓް ކަށަވަރުކޮށް މައްސަލަ އަލުން ބެލުމަށް ދަށު ކޯޓަށް ފޮނުވުމަށެވެ.
- ކްރިމިނަލް ކޯޓުން އުމުރު ދުވަހުގެ ޖަލު ހުކުމެއް ކޮށްފައިވަނީ އަހުމަދު ޝާފިއުގެ މައްޗަށް
- މައްސަލައަކީ 76 ގްރާމްގެ މަސްތުވާތަކެތި ދިރުވާލައިގެން އެތެރެކުރަން އުޅުނު މައްސަލައެއް
- މައްސަލަ އަލުން ބެލުމަށް ނިންމީ ތަހުލީލު ކުރި ފުލުހުން ހާޒިރު ނުކުރުމުގެ ސަބަބުން
- މައްސަލަ އަލުން ބެލުމަށް ނިންމީ ހައި ކޯޓުގެ ތިން ފަނޑިޔާރުންގެ އިއްތިފާގުން
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
